Die veneris sexsto intrante Aprilis (m.ccIxxiiij Indictione secunda. )
Domina Froa filia condam domini Jacobini Ricij et uxor condam domini Buvalelli Azonis promisit per se suosque heredes domino Scanabicco condam domini Petri de Romanciis dare et vendere et tradere sibi jure proprio in perpetuum quamdam domum et tubatam seu turrim positam in civitate bon., in capella Sancti Gevaixij (Gervaxij) a mane ipsarum est curia Sancti Gevaixij (Gervaxij) et juxta viam, pro precio quadrigentarum lib. bon. hinc ad festum Sancti Michaelis proximi. Item quod faciet et curabit ita quod tempore venditionis omnis persona que jus haberet in dictis rebus pro ut sapienti ipsius habuentis videbitur consentient dicte venditioni, et renuntient omni eorum juri quod haberent in dictis rebus. Et remissionem, promissionem et obligationem et in omnibus cartam rationabilem ei faciet ad ipsius sapientis (consilium). Et hoc promisit dicta domina Froa quia idem dominus Scannabiccus presentialiter dedit et solvit ipse domine Froe precij nomine et pro ipsa venditione et pro parte sollutionis precij dictarum rerum centum lib. bon., et cum omnibus pactis et promissionibus in dicto instrumento contenptis. Ex instrumento Rainerij Leonardi Tusculi not. heri facto, sub porticu domus domini Thomacij Benvenuti Ricij presentibus domino Rizardo condam domini Jacobini Ricij, Bertholomeo eius fratre etc.
Lib. 25 Memorial. Jacobi de Fulianis not., fol. xxxviiij.