Documento n. 82

Millesimo ducentesimo septuagesimo secundo, Indictione quintadecima, die Jovis quintodecimo intrante Decembre.

Albericus, Antonius et Guido fratres et filij condam domini Berecordati Leucij cum auctoritate Ugolini domini Detesalvi eorum curatoris, domina Ugolina eorum soror et Domina Agnesia eorum mater et uxor condam dicti domini Berecordati

in sollidum jure proprio vendiderunt dominis Amideo et Johani fratribus et filijs condam domini Rodulfi Amidey Pizolli quatuor partes pro indiviso unius domus et medietatis turris posite super ipsam, quas partes posidebant pro indiviso cum dicto domino Amideo. Que domus et turris posita est in strata Sancti Stephani, juxta vias a duobus lateribus et juxta emptores predictos; pro precio quadringentarum optuangintarum lib. bon., et promiserunt venditores et venditrices dictis emptoribus se facturos quod Berecordatus filius condam dicti domini Leucij fratris olim dictorum venditorum, Agnesia Gisla et Johanna filie olim dicti Liucij predictam venditionem firmam habere, et cum fuerint legitime etatis renuntient omni eorum iuri. Et insuper domina Bertolomea filia condam domini Berecordati Leucij, cum autoritate dicti Ugolini sui curatoris renuntiet omni suo iuri ocaxione hereditatis dicti sui patris, et domina Antonia fìlia condam domini Jacobini Gazoli et uxor olim Leucij condam fratris ipsorum venditorum consentient dicte venditioni et renuntient omni suo iuri. Ex instrumento Johanis Nicholay Guizardini not. facto hodie in quadam statione dicte domus venditorum pressentibus domino Lambertesco judice potestatis et presentibus domino Rodulfo Bochaderagno, Vandino domini Jacobi Gozoli, Bomartino domini Bonbologni Allegratati, domino Amideo Alberici medico, Petro domini Bonacursij de Mantoa, Fredo condam domini Petri Chocamontis, Jacobo condam domini Avanzati Buvalli et Fantino domini Fabiani Utuvrini testibus, et sic dictus Bomartinus testis et procurator predictarum mulierum. Ex instrumento dicti not. venerunt cum dictis emptoribus et scribi fecerunt et cum venditoribus.

Lib. 20 Memorial. Bonjacobi Ugolini Guicardini not., fai. xliij