Millesimo ducentesimo septuagesimo secundo, Indictione quintadecima, die xiij exeunte Januario.
Dominus Jacobinus quondam domini Zanbonini de Crexenciis, habita licentia a dominis Baxacomatre de Baxacomatribus doctore legum Bonacossa, Bolognino, Bonfantino et Nicholao faciendi divissionem domorum et possessionum avenientium eis ex successione quondam domini Bologniti eorum avi materni. In primis posuit et designavit pro parte sua dicto domino Baxacomatri unam domum cum solo et hedificio merlatam cum alliis domibus parvis adherentibus dicte domui et muro comunis positis juxta fosatum comunis bon. et murum circuiti extimatam mille quatringentis lib. bon. Item posuit et designavit pro alia parte et partibus dominis Bonacosa, Bolognino et Nicholao predictis palatium vetus cum turri, solo et hedificio positum juxta seraglium et stratam publicam, et unam domum que fuit Jacobini de Malvultis cum quadam domuncula parva ubi sunt stabule dicti domini Bonacosse, juxta filios et heredes quondam domini Guidonis Sartoris et viam Burgi novi extimatam duabus millibus et quingentis lib. bon. ponendo et designando dictus Jacobinus dicti Nicholai (sic) pro sua parte dicti palatii, turris et ortus medietati dicti palatii et dicte turris et medietati dicti orti, scilicet partem que est a latere mane dicti palatii juxta viam que vadit post fosatum extimatam medietati dicti palatii, turris ,et ortus mille ducentis lib. bon., et ponendo et designando dictus Jacobinus in partibus Dominorum Bonacosse et Bolognini pro parte dicti palatii, turris et ortus medietati dicti palatii, turris et ortus, scilicet partem que est a latere serro dicti palatii juxta domum que fuit Johanini Galerie cum dicta domuncula parva ubi sunt stabulle, et cum domo predicta que fuit dicti Jacobini extimata mille tringentis lib. bon. Item posuit et designavit pro alia parte dicto Bonfantino domum unam cum sola et hedificio que fuit dicti Johanini Galerie juxta dictum palatium et ortum cum pactis insertis in instrumento occasionis dicte domus. Item unam aliam domum sive tubatam cum solo et hedificio posi- tam juxta dictam domum et ortum domus extimatam mille centum lib., et predicta lecta fuerunt in presencia domini Leonardi not. curatoris dictorum Bonfantini et Nicholay ex instrumento Bertholomei domini Guidonis Sartoris not. facto hodie in domo dicti palatii ubi est turris, pressentibus domino Bombologno de Muxolinis, domino Zacheria de Baxacomatribus, Simone eius filio, Ugone domini Petri, Bonafide de Tuscis, Bertholomeo Petrizoli Maii et Ubertino Dominici de Cento not., testibus ut dixerunt et scribi fecerunt dicti contraentes et dictus curator.
Lib. 18 Memorial. Ubertini Dominici de Cento not., fol. viiij.