In Christi nomine Amen. Eiusdem Nativitatis Anno Millesimo quadringentesimo, Indictione octava, die vigesimo octavo mensis Junij, Pontificatus dominj Bonifatij pape nonj.
Providus et circumspectus vir ser Jacobus condam Plevalis notarius et civis bononiensis capelle Sancte Marie Magdalene sindicus et procurator Comunis bon. ex publico instrumento suj Sindicatus rogato per Johannem Martinj de Dugliolo notarium bon. et tunc notarium officio Reformationum comunis bon. specialiter deputatum de mense decembris proxime elapso habens ad infrascripta solemne et suffìtiens mandatum ex instrumento suj sindicatus et vigore et authoritate Provisionum et Reformationum de quibus, infra fit mencio, nec non honorabiles viri ser Dinarellus Pacis de Magarottis speciarius et Sassus condam Symj de Sassolinis campsor, cives bon., ambo defensores averis et iurium comunis bon., scientes et cognoscentes de anno proxime elapso et mense Marcij dicti annj fuisse legiptime et solemniter provisum decretum et firmatum pro evidenti utilitate comunis bon. per et inter magnificos dominos dominos Ancianos populj et comunis bon., et honorabilles dominos de collegijs Confalonerios populj et massariorum artium Civitatis bon. Quo domus dicti comunis bon., que allias appellatur domus seu palatium Alberti Conosentis, posita Bononie in capella Sancti Andree de Platisijs et Sancti Luce de Castello, iuxta vias publicas a tribus lateribus, juxta heredes Jacobi de Castello iuxta Florianum de Schudellis, iuxta heredes seu sucessores Nicholay Tisij de Castello, iuxta heredes Bitiny captaney de Butrio, et iuxta allios suos confines, cum omnibus superhestantibus et adiacentibus suis, videlicet turrj, cortilj, curijs, logia, tereno sive orto, puteis et allijs ad dictas domos pertinentibus, excepta dumtaxat quadam Sala magna anteriori dicti palatij, que est in tassello supra positam (1) anteriorem et usitatam dicti palatij a latere versus domimi dominj Bonifatij de Castello, in qua retinentur blada dicti comunis cum iure et servitute debenda comuni bon. et eius offìcialibus et operarijs eundi et redeundi ad ditam Salam cum bladis et allijs necessarijs ad ipsam salam vel de ea deferendis per portam predictam vel per allium locum habilem sicut et prout de ipsius comunis et dicti Stephanj vei habentis causam ab eo voluntate deliberatum fuerit et prout quotiens et quando opus fuerit et eisdem oftìcialibus dicti comunis deferendum videbitur que erant et sunt ruynoxe et caduce et in magna earum parte destructe et dirupte locarentur et in perpetuum enphiteoticho iure concederentur Stephano condam Ser Jacobj de Ghesilardis notario et civj bon. pro se suisque heredibus et successoribus quibuscumque, pro parte dicti comunis bon, sibi per sindicum comunis bon., et per dominos defensores averis dicti comunis vel alterum eorum in presentia et eum consensu et auctoritate dominorum Antianorum dicti populj et comunis pro annua pensione tregintaquinque librarum bononinorum in perpetuum singulis annis comuni bon. persolvenda, non obstante quod dicte domus non fuerint allias legiptime vel aliter subastate prout patet publica scriptura dicte provisionis rogata per Testam de Gozadinis et Bertholomeum Thome Paulj notarios, tunc officio reformationum deputatos. Scientes quod dictam eandemque provisionem et reformationem fuisse postea de mense Octobris proxime elapso per tunc dominos Ancianos et officia dominorum de collegijs nec non guardie et pacis et per allios cives ad hoc convocatos et per omnes predictos simul congregatos habentes tunc eandem potestatem, idem arbitrium quod et quam habet et tunc habebat generale Conscilium Sexcentorum populi bononiensis, fuisse auctoritate generalis Consilìj aprobatum et conflrmatum et similiter etiam tunc per eandem congregationem fuisse de novo factam, decretam et reformatam dicti Consilij auctoritate prout latius patet publica scriptura scripta manu Johanis Martinj de Dugliolo notarij bon. et tunc notarij dicto officio reformationum deputati, et sucessive postea utramque provisionum predictarum fuisse de mense Febrtìarij proxime elapso legiptime et solemniter aprobatam, ratificatata et emologatam per spectabiles cives dominos... Sexdecim offìciales tunc deputatos supra reformatione pacifici popularis Status civitatis bon. habentes tunc illam et eandem potestatem illudque et idem arbitrium quod et quam habebat et habet dictum generale Conscilium populj et comunis bon., et similiter etiam fuisse per dictos eosdem Sexdecim officiales de novo provisum et decretum, quod dicta locatio et perpetua et emphiteotecatio domorum predictarum, cum omnibus superhestantibus et ad eas pertinentibus ut supra modo et forma predictis, et pro dicta Anua pensione fiat et fierj debeat dicto Stephano de Ghisilardis, pro se suisque heredibus et successoribus quibuscumque ut supra, cum sufitienti clausula derogatoria prout latius patet publica scriptura decreti et seu provisionis dictorum Sexdecim Reformatorum superhinde facti et facto de dicto mense februarij et scripta manu Gandulfi Nicholay de Fantutijs notarij et tunc notarij dictorum dominorum Sexdecim Offlcialium. Quorum omnium prefati sindicus et defensores asseruerunt se conscios esse et non ignaros. Idcirco existentes in presencia magnificorum dominorum dominorum Ancianorum et Vexiliferij iustitie populj et comunis bon., et cum consensu, voluntate et auctoritate ipsorum magnificorum dominorum Ancianorum et vexiliferi iustitie ibidem presencium et volencium et infrascriptis omnibus et singulis consenciencium et auctorancium, quorum nomina sunt hec, videlicet: dominus Albertus de Guidottis vexilifer justitie, dominus Bertholomeus Sibaldinj draperius, dominus Blasius de Nobilibus ferazerius, dominus Petrus Bonutij de Ursellis notarius, dominus Jacobus Philippi de Musolinis, dominus Nicholaus de Azoguidis legum doctor, dominus Johannes domini Symonis.de Sancto Georgio campsor. Viso primo et ante omnia ac ditato et aprobato presenti instrumento locationis et conductionis, et omnibus in eo contentis per egregios legum doctores dominos Johannem de Lapis et Johannem de Canitulo advocatos comunis bon., sapientes videlicet ad hoc assuntos per prefatos, magnificos dominos nostros dominos Aacianos et vexilliferum justitie secundum formam Statutorum Comunis bon., de qua electione patet publico instrumento scripto manu mey Philippi de Marsilijs notarij infrascripti, Sponte et ex certa ipsorum sindici et procuratoris sindicario et procuratorio nomine dicti Comunis bon. et dominorum defensorum averis sciencia vigore et auctoritate provisionem (sic) predictarum et cuiuslibet earum et etiam ex auctoritate et potestate eisdem concessis in provisionibus ante dictis, et omnj modo iure et forma quibus melius potuerunt et possunt, dederunt, concesserunt et in emphiteosim perpetuam ac empiteoticho iure locaverunt dicto Stephano ser Jacobj de Ghisilardis notario et civj bononiensi ibidem presenti pro se suisque heredibus recipienti et conducenti dictas suprastas (sic) domos dicti Comunis bon. allias vocatas palatium sive domus Alberti Conosentis cum dictis omnibus curijs, cortilj, turri, puteis, tereno seu orto et alijs superhestantibus et ad ipsas domos et seu palatium spectantibus et pertinentibus positas seu positam Bononie in dictis capellis Sanctorum Andree de Platisijs et Luce do Castello, iuxta supradictos omnes et allios quoscumque confines suos, excepta dumtaxat infrascripta Sala magna anteriori dicti palatij, que est in tassello supra portam anteriorem et usitatam palatij antedicti, a latere versus domum dominj Bonifatij de Castello. In qua Sala retinentur blada dicti Comunis cum iure et servitute predictis Comuni bon. debendis, videlicet eundi et redeundi ad dictam Salam per portam predictam vel per alium locum habilem si et prout de ipsius Comunis et dicti Stephanj vel habentes causam ab eo voluntate deliberatum fuerit cum bladis et aliis necessarijs ad dictam Salam, vel de ea deferendis prout totiens et quando opus fucrit et officialibus dicti Comunis videbitur. Ad habendum, tenendum et naturaliter possidendum, tam per se ipsum conductorem quam per ipsius conductoris heredes et successores quoscumque. Et omnem ipsarum domorum et seu palatij possessionem naturalem per ipsum Stephanum conductorem habitam et aprehensam eidem confirmaverunt. Nec non etiam promiserunt prefatus sindicus et procurator sindicario et procuratorio nomine dicti Comunis bon., et prefati dominj defensoris stipulatione et pacto solemnj dicto Stephano conductori pro se et suis heredibus stipulanti, presentem localionem et emphiteoticham concessionem perpetuo firmam et ratam habere et tenere et dictas domos locatas et sue palatium nullj alteri facere per se vel Comune predictum, aut vices gerentes dicti Comunis aut per ipsorum locatorum vel alicuius eorum successores locatione concessionem alienationem octum pactum vel contractum alicuius forme vel tenoris in preiuditium presentis locationis vel ipsius conductoris aut eius heredum vel successorum et seu quominus dictus conductor per se et eius heredes et successores dictis rebus locatis uti et fruj perpetuo valeat pacifice et quiete et cetera ipsum Stephanum emphiteotam et conductorem predictum ejusque heredes et sucessores legiptime in pacifica naturalj possessione dictarum rerum locatarum manutenere et perpetuo defendere et conservare ab omnj persona Comuni, Collegio et Universitate. Et ex adverso predictus Stephanus emphiteota et conductor prefatus per se et suos heredes et successores solemnj stipulatione et pacto promisit dictis Jacobo sindico et procuratori sindicario et procuratorio nomine dicti Comunis bon. et ser Dinarello et Sasso defensoribus averis et iurium dicti Comunis bon., omnibus ibidem presentibus et nomine dicti Comunis ac pro se et suis successoribus stipulantibus et recipientibus dictis domibus et seu palatio locatis uti et fruy perpetuo arbitrio bonj viri et ipsorum iura terminos et confines manutenere et conservare nec ad allium seu allios sinere pervenire ipsius conductoris vel eius heredum successorum culpa vel defectu.
Et pro pensione et affictu dictarum domorum et seu palatij ac rerum locatarum dare et solvere Anno quolibet imperpetuum dicto Comuni bon. et seu dictis defensoribus averis nomine dicti Comunis et eorum sucessoribus libras trigintaquinque bononinorum videlicet medietatem pensionis et affictus predicti in testo nativitatis Domini nostri Yhesu Christi et reliquam medietatem in festo Paschatis Resuressionis eiusdem Dominj proxime secuturo cuiuslibet Annj in Civitate Bononie et cetera. Et generaliter et cetera. Cum pacto presentationis pignorum infra decem dies vice qualibet presentandorum et cetera. Pena vice qualibet tante quantitatis pecunie quanta fuerit ea in cuius solutione cessatum fuerit solvenda infra allios decem dies et cetera. Et insuper dictus Stephanus conductor, presentibus et videntibus testibus et nobis notarijs infrascriptis, dedit solvit numeravit et dimisit dictis locatoribus presentibus et recipientibus proffìctu et pensione dictarum rerum locatarum totius Annj presentis inchoati in festo Sancti Michaelis mensis Septembris elapso et ut sequitur flniendum libras trigintaquinque bononinorum in pecunia aurea numerata, assendentibns ad summam predictam, prout etiam dicti sindicus et defensores, dictis nominibus dictam quantitatem pecunie recipientes sponte confessi et contenti fuerunt ipsam quantitatem pecunie tregintaquinque librarum bononinorum tantam esse et fuisse ipsamque totam et integram habuisse et recepisse a dicto Stephano emphiteota et dicta de causa. Qua propter dicti Sindicus et procurator et dominj defensores nominibus supradictis, absolverunt et liberaverunt dictum Stephanum condutorem presentem et acceptantem a dicta quantitate pecunie treginta quinque librarum bononinorum et a dictis pensione et affictu annj presentis dictarum rerum locatarum. Que omnia et singula et cetera cum promissione vicessim de rato dictis nominibus et modis et cetera. Pena Mille bononin. auri totiens comitenda quotiens in aliquo predictorum fuerit contrafactum vel obmissum. Ita tamen quod hec pena in presenti clausula generalj apposita locum non habeat, nec se extendat ad obmissionem solutionis pensionis predicte vel eius pene ad pignorum presentationis. Et que pena soluta vel non et cetera. Sub refectione damnorum et expensarum et cetera. Mutua obligatione bonorum supradicti Comunis bon. et dicti Stephani conductoris. Cum protestatione, quod predicti locatores eorum bona propria obligare non intendunt et cetera. Et cum debitis et opportunis renunciationibus benefitiorum et cetera. Quibus omnibus et singulis sic predictis prefati Magnifici dominj dominj Anciani et Vexillifer Justitie populj et Comunis bon. suam et dicti populj et Comunis bon. auctoritatem consensumque interposuerunt et decretum. Rogantes prefati locatores dictis nominibus nos Philippum Angelini de Marsilijs notarium predictorum dominorum defensorum et Guasparrum filium Julianj Barufaldinj notarium ad Cameram Actorum populj et Comunis bon. deputatum, et utrumque nostrum insolidum ut de predictis publicum confitiamus instrumentum. Libras xxxv.
Actum Bononie, in palatio Ressidencie ressidentie (sic) dictorum Magnificorum dominorum dominorum Ancianorum in audiencia eorum secreta, presentibus Constantino Bartholomey de Schappis notario, quj dixit et asseruit se dictas partes et contrahentes cognosere, Melchione condam Boninsegne de Auro capelle Sancte Marie Porteravenatis, Fabrino ser Damiani Pacis notario, Bono filio Magistri Johannis Bonazoli notario testibus ad predicta vocatis adhibitis et rogatis.
Ex instrumento mey Philippi Angelini de Marsilijs et Guasparri de Barufaldinis not.
Liber signatus +++ continens locationes publicarum comunis bononiae, stationum, aedificiorum, terrenorum etc. fol. ccx verso, nell' archiv. notar.
(1) Leggasi: portam, come più avanti.