Lib. 95 Memorial. Jacobi domini Laurentij Bonacattj not., fol. vj, vij, vij verso.
Die lune tertiodecimo mensis Januarij (Millesimo ducentesimo nonagesimo octavo, Indictione undecima).
Symon adultus filius et heres condam domini Roberti de Pavanensibus ante presentia domini Moroelli judicis ad discum Aquille domini Moroelli Marchionis potestatis bonon. constitutus, petiit sibi dari in curatorem Philippum Genselmini ad prestandum et interponendum autoritatem suam et consensum instrumento venditionis quod facere jntendit una cum domino Bertholomeo filio quondam domini Federici de Pavanensibus et Betutio filio condam domini Jacobi de Pavanensibus, et pro eis et tutoribus Guilielmi pupilli filij et heredis condam Francischi de Pavanensibus de domibus, pallaciis, curtilibus et ture infrascriptis, domino Lambertino Ranpone legum doctori infrascripto, pro pretio trium milium libr, bon. et confessioni, ratificationi, promissioni et obligationi facendis in dicto instrumento et generaliter omnibus et singulis que in dicto instrumento continebuntur. Qui curator juravit more curatorum et pro eo extitit fideiusor Henrigiptus de Guercis.
In Christi nomine, amen. Constat Princivalle filius domini Petrizoli de Medicina emisset a Previdino, Guidoctino et Guilielmo fratribus et filiis condam domini Jacobi domini Comitis de Prendipartibus omnes domos, pallatia et turim et curtile que ipsi et frater Guidoctinus et frater Bertholomeus habuerunt in capella Sancti Michaelis de foro medij sive Sancte Marie de Osillittis, iuxta Ecclesiam Sancte Marie de Osellittis pro parte, juxta dominum Cachariam quondam domini Gabionis de Ysinardis pro parte, desuper a sero et de suptus vie publice pro parte, pro pretio trium milium quingentarum lib. bon. ex duobus instrumentis emptionum scriptis manu Giberti Guidolini not., aparet etiam ex confessione et asseveratione predictorem Princivallis, Previdini, Guidoctini et Guilielmi facta tempore dictarum emptionum actum fuisse videlicet quod dictus Princivalle convenit dictis Gui doctino et fratribus reemere et retradere predictas domos pro dicto pretio trium millium quingentarum lib. bonon. Constat etiam dominos Ubertum, Bertholomeum, Francischum fratres et filios condam domini Federici de Pavanensibus et Bitutium eius nepotem filium quondam domini Jacobi de Pavanensibus emisse a dicto Princivalle dictas domos, pallatia, turim et curtile. Et tempore dicte emptionis convenisset predictis Previdino et fratribus de revendendo et retradendo pre dictas domos ac etiam se solempniter obligando dicto Previdino et fratribus ad vendendum et tradendum predictas domos, pallatia, turim et curtile dicto Previdino et fratribus pro dicto precio trium millium quingentarum lib. bon., ut hec aparent ex instrumento scripto manu Giberti predicti: Cumque predicti domini Bertholomeus et Bitutius et Symon filius et heres quondam domini Uberti de Pavanensibus, ipsi domini Bertholomeus et Bitutius ut asseruerunt testamento Guilielmi filij et heredis condam domini Francischi de Pavanensibus cognoscerent obligationes et promisiones predictis, et volentes agnosere bonam fldem de voluntate et mandato predictorum Previdini Guidoctini et Guilielmi volentium predictas domos, pallatia, turim et curtile pervenire in dominum Lambertinum Ramponem doctorem legum, et in eum trasferri et apud eum et suos heredes perpetuo remanere, ita quod de predictis domibus, pallatia, ture et curtile possit perpetuo facere ipse et sui heredes quidquid voluerint et eiis placuerit ibidem presentium volentium et mandantium. Predicti igitur domini Bertholomeus et Bitutius de Pavanensibus et Symon adultus filius condam et heres condam predicti domini Uberti de Pavanensibus cum auctoritate Phillippi Genselmini sui curatoris ad hoc specialiter constituti, et predicti domini Bertholomeus et Bitutius tutores Guilielmi filij et heredis quondam domini Francischi de Pavanensibus vendiderunt et tradiderunt predicto domino Lanbertino legum doctori filio quondam domini Thomaxini Ramponis ementi et recipienti pro se et suis heredibus generaliter omnes domos, pallatia, turres et curtilia quas et que habeant in civitate bonon. in capella Sancti Michaelis de foro medij sive Sancte Marie de Osellittis, iuxta Ecclesiam Sante Marie de Osellictis pro parte etc. Et eas eis dederunt, vendiderunt et tradiderunt ad habendum, tenendum et possidendum et quidquid ei et suis heredibus deinceps placuerit perpetuo faciendum, cum omnibus et singulis que inter predictos confines continentur vel alios si qui forent, cum liberis et expeditis eorum cuiuslibet accessionibus et egressibus usque in vias publicas et cum omnibus et singulis que habeant super se et infra se in integrum omnique juri et actione usu seu requisitione servitute, comodo et utilitate eiis vel dictis domibus pertinente de jure vel de facto. Et hoc pro pretio et nomine pretij trium millium quingentarum lib. bon., quod pretium totum predicti domini Bertholomeus et Bitutius de voluntate et consensu predicti adulti et dicti sui curatoris, ac etiam ipsi tutores tutorio nomine dicti pupilli, presente me notario et testimoniis infrascriptis habuerunt et receperunt a predicto domino Lambertino renuntiante et cetera. Quarum domorum omnium, turis, palatiorum et curtilium dicto emptori possessionem tradiderunt et dederunt et nichilominus constituerunt se dicti emptoris nomine possidere donec ipsarum rerum possessionem acceperit corporale (sic) in quam (sic) accipiendi et cetera. Et quia actum extitit inter dictos venditores et dictum emptorem quod predicti venditores non teneantur de evitione ipsarum rerum, nec ad pretij restitutionem in aliis casibus quam in predictiis, predicti venditores scilicet predicti domini Bertholomeus et Bitutius et dictus Symon cum auctoritate dicti sui curatoris et ipsi tutores tutorio nomine dicti pupilli dederunt, cesserunt, trasstulerunt et mandaverunt ex causa venditionis et pro pretio suprascripto omnia jura et actiones reales et personales, utiles et directas que et quas habeant vel habere poterant contra Princivallem predictum et contra predictos Previdinum, Guidoctinum et Guilielmum et contra ipsorum heredes et bona nomine et occasione venditionis et promissionis de legitima deffensione ipsarum rerum venditarum et omnium et singularum promisionum factarum a predictis seu ab aliquo predictorum seu auctoribus dictorum emptorum ex instrumentis scriptis manu Giberti Guidolini notarii. Item omnia jura et actiones que et quas habeant vel habere possent contra quamlibet aliam personam que dicto Princivalli a quo predicti venditores causam habuerunt aliquam promisionem renuntiationem vel obligationem fecissent constituens dictum emptorem procuratorem tamquam in rem suam et ponentes ipsium in locum suum, ita ut amodo suo nomine possit actionibus utilibus et directis contra predictos et contra quemlibet (sic) aliam personam predictorum eccasione agere et contra quam quidem venditionem pretij solutionem et omnia et singula et cetera. Sub pena duplj et cetera. Et quia predictus Symon ut ipse aseruit et hoc aserunt predicti domini Bertholomeus et Bitutius est maior annorum quatuordecim et minor vigintiquinque, juravit more minorum etc. Ex instrumentis scilicet cure et venditionis scriptis manu. Martini Gerardi Dentamis not. facto hodie Bon., in porticu pallatij veteris comunis bon., pressentibus etc.
Eodem die loco et presentibus dictis testibus.
Guilielmus adultus filius condam domini Jacobi condam domini Comitis de Prendipartibus constitutus in presencia domini Moroelli judicis ad discum Aquille domini Moroelli Marchionis potestatis bon. petiit sibi dari in curatorem domi- num Petrum de Gardinis ad interponendum auctoritatem suam et consensum, consensui, vendicioni quam fecerant domini Bertholomeus et Bitutius de Pavanensibus predictis (sic) do mino Lanbertino Rampone predicto de domibus, pallatiis, turibus et curtilibus quas et que predicti venditores habebant in civitate bon. in capella Sancti Michaelis de foro medij sive Sante Marie de Ossellittis etc.
Eodem die, loco et presentibus dictis testibus.
Predicti Previdinus, Guidoctinus et Guilielmus cum auctoritate et consensu dicti sui curatoris ad infrascripta specialiter constituti ut superius dictum est. In presentia dicti judicis, ipso suo curatore presente et consentiente etc. dicte venditioni consenserunt et renuntiaverunt omni juri quod habeant seu habere possent in dictis rebus etc.