Die primo Decembris. M. D. V.
Congregatis Magnificis Dominis Sexdecim Reformatoribus Status Libertatis Civitatis Bon. jn jnferiori audiéntia Reverendi Domini Locumtenentis, in eius presentia ac de ipsius consensu et voluntate, inter eos infrascripta partita obtenta fuerunt et
Primo, Cum de anno 1440 die 20 Decembris per tunc Regimina Civitatis Bon. concessum fuerit Basotto de Caccianemicis et Jacobo de Ingratis in emphiteosim perpetuam quoddam Terrenum situm in Civitate Bononiae ad Turrim Cherubini positam in muro palatij magni Comunis Bon. protendens usque in viami publicam, qua itur versus stabula feni et palearum longitudinis perticarum quinque et pedum duorum, altitudinis vero quantum tunc erat et :est de presenti pro annuo affictu librarum Decem bononinorum, cum auctoritate ibi ponendi Bancas ad vendendum Carnes. Cumque postea de anno 1441 die quinto Maij assignatum fuerit Terrenum predictum per Cameram Bon. Massario, Societati et Hominibus Becariorum in cambium et pro cambio alterius Terreni per eam recepti a Massario et Hominibus predictis positi in Civitate Bon. juxta olim Carceres veteres dicte Civitatis pro ut constat publica scriptura rogata per ser Philippum de Manzolino notarium, et successive de predicto anno 1441 die 23 Maij melioramenta dicti Terreni vendita fuerint per predictos Basottum et Jacobum eidem Massario et Hominibus pro pretio librarum quingentarum pichionorum ex jnstrumento dicti ser Philippi. Considerantes Edificia et Bancas predictas palatio predicto adherentes ipsum palatium non solum occupare et deformare verum etiam illud minus tutum reddere; per omnes fabas albas decreverunt quod dictae Ban- chae et Edificia existentia super Terreno de quo supra totaliter a muro palatij et ex Terreno predicto amoveantur et demoliantur, ita quod murus dicti palatij in illa parte remaneat liber, vacuus et expeditus, sicut erat ante concessiones et assignationes de quibus supra. Cuius demolitionis curam dederunt et imposuerunt Magnifico domino Joanni Bentivolo et spectabili Equiti domino Joanni de Marsilijs. Cum autem honestum sit indemnitati ipsorum Massarij et Hominum consulere et eisdem de alijs appothecis pro eorum Banchis predictis provìdere per easdem omnes fabas albas elegerunt ac deputarunt ipsorum et Comunis Bon. sindicos et procuratores prefatos Magnificum dominum Joannem de Bentivolis et dominum Joannem de Marsilijs ad dandum, consignandum et cedendum nomine ipsorum et Camere antedictae in cambium et permutationem Massario et hominibus Societatis predictae alias appothecas pro dictis eorum Banchis in Civitate Bon. sitas illius numeri, qualitatis et conditionis, et in illis locis positas, secundum quod et prout eisdem sindicis videbitur et erunt in concordia cum Massario et Hominibus predictis, Cum hoc quod Massarius et homines solemniter absolvant Camerata ab omni eo et toto quod petere possent ab ea tam occasione demolitionis predictae, quam ex alio quocumque damno, quod allegare possent se supportasse dicta de causa. Dantes eisdem sindicis plenum arbitrium, facultatem et potestatem occasione predicta faciendi et disponendi quicquid eis videbitur utile, necessarium et opportunum. Super quibus fieri debeant instrumenta in valida et solemni forma. Decernentes etiam per dictas omnes fabas albas quod quedam alia appotheca existens in pede turris Cherubini de qua supra ad usum Becariae deputata, similiter removeatur ex dicta tùrri et eius pede predicto: que Turris pro eius maiori fortificatìone claudi et murari debeat. Et predicti sindici similiter providere possint et debeant indemnitati illius, cuius est jurisdictio appothecae predictae, eo modo et forma, et cum conditione, quibus et prout supra de alijs appothecis et banchis ad dictam Societatem Becariorium spectantibus dictum est. Rata et firma habituri quaecumque per eos in predictis et circa predicta omnia et singula gesta fuerint proinde ac si per ipsos Reverendum dominum Locumtenentem et Magnificos dominos Sexdecim gesta fuissent.
Lib. 21 Partitorum 1501-1506 fol. 73.