Lib. 17 Memorial. Johanini condam Bernardini de Ocano not., fol. xl verso.
M.°cc.°lxx°,j, Indictione xiiij die ultimo mensis Septembris.
Domina Michelda uxor condam domini Rolandini Arimundi
Domina Petrizola filia dicte domine Michelde et uxor Lambertini filij dicti domini Rolandini
venditioni et allienationi et precij solutioni facte a dicto Lambertino filio dicti domini Rolandini jure proprio domino Lambertino filio domini Thomaxini Ramponis ementi nomine dicti domini Thomaxini sui patris et suorum heredum unius domus tote cum solo et ediffitio et Turri et Trivio et juris trivij posita in civitate bon., in parochia Sancti Michaelis de foro medij, pro precio Mille Centum libr. bon. et intra hos confines: a mane et a meridie sunt vie publice, a sero possident heredes condam domini Jacomelli de Savenella consientierunt, et omni eorum et cuilibet eorum juri quod et que habent vel habere sperant vel possent vel dicant se habere in dictis rebus pro dotibus, legatis, usufructu, emptione, insoluti datione et pro denariis mutuatis dicto domino Lambertino seu habitis ab eis, aut a dicto domino Rolandino et pluribus aliis de causis renuntiaverunt tam predictorum quam omnium aliorum: et promiserunt dicto domino Lambertino emptori stipulanti et recipienti vice et nomine dicti domini Thomaxini sui patris et pro dicto domino domino (sic) Thomaxino et suis heredibus non contrafacere vel venire predictarum occasionum vel alia qualibet et confirmant dictam venditionem et alienationem et pretij solutionem, et omnia et singula in dicto instrumento emptionis contenpta. Et dederunt et cesserunt dicto domino Lambertino emptori, ut dictum est, omne jus et actionem quod et quam habent vel habere sperant vel possent ipse vel alter earum in dictis rebus venditis tam occasione dotis, quam alia qualibet et affirmaverunt dicte domine quod nemini cesserunt ipse nec alter earum aliquod jus quod habent vel habere possent in dictis rebus rationibus predictis vel alia qualibet. Que quidem omnia et singula sibi fecerunt pro Ducentis vigintiquinque libr. bon., quas confesse fuerunt ab eo habuisse pro tutione dotis earum, et super dictarum rationum. Ex instrumento Bolognitti Guidocti not. heri facto in dicta domo, pressentibus domino Raphaele domini Vallini, Johane Callegario, Hostaxino de Corvis, Lamberto condam Lamberti Petri Massarij, Johanino Raynerij Zanpe, domino Rodulfo domini Scanabici, et me Johanino de Ocano not., testibus, et sic scribi fecerunt dicte domine, et dominus Lambertinus predictus.