Documento n. 80

Millesimo ducentesimo septuagesimo secundo, Indictione xv, die Mercurj, sexto exeunte octubris.

Dominus Gerardus Galutius filius condam domini Albertigalli emancipavit dominum Albertum suum filium, coram domino Daniele de Casellis judice potestatis. Ex instrumento Herigipti condam Feliciani not. hodie facto in sala capelle nove, pressentibus domino Taurello de Taurellis, domino Juliano domini Boni Johanis, domino Ugolino Martini scriptoris etc. testibus.

Predictus dominus Gerardus Galutius, ex causa donationis pure libere sinpliciter inter vivos, dedit domino Alberto predicto suo fllio domum unam magnam positam bon. in platea maiori in angulo curtilis Galutiorum cum medietate domus plane condam domini Alberti Galutij posita juxta ipsam domum a latere mane pro indiviso cum domino Anthonio Galutio et cum medietate pontis quo itur ad domum condam domini Mathioli Galutij. Item domum unam magnam que fuit condam domini Mathioli Galutij cum medietate domus que fuit condam Pelegrini Nasixlboni a latere superiori juxta ipsam domum et cum medietate pontis quo itur ad domum proximam dictam. Item domum volte et portarum seu parlatory curie Galutiorum a latere sero versus plateam maiorem, cum parte turris quam habet dominus Gerardus predictus in ea que fuit condam domini Alberti Galutij vel ut divisa est cum domino Anthonio Galutio. Item partem quam habet in turri nova posita in curia Galutiorum. Item partem suam domorum et laborerij Galutiorum positi juxta ecclesiam Sante Marie Rotunde et juxta turrim que fuit condam dicti domini Alberti Galutij. Item partem quam habet in domibus que fuerunt domini Guidonis condam domine Nide positis in trivio Macagnanorum. Item usum fructum ad ipsum dominum Gerardum spectantem in domibus que fuerunt domini Jacobini de Ubertis positis juxta plateam comunis, cum omni iure pertinente ad predictam scilicet res et quamlibet ipsarum infra suos confines etc. Ex instrumento dicti notarii facto eodem die et loco et pressentibus predictis testibus.

Lib. 20 Memorial. Juliani filij domini Azolini Vitalis not., fol. xlij verso.