Die duodecimo Septembris ( Millesimo ducentesimo Nonagesimo septimo, Indictione decima).
Accesit Johanes filius quondam domini Cirexini (sic) quondam domini Acurxij coram domino Bonaventura de Asculi judice et assessore domini Berrardi de Camerino potestatis et capitanei civitatis bon. judice ad dischum aquile, et petiit sibi in curatorem dari Rolandinum de Floranis ad interponendam auctoritatem suam locationi quam facere jntendit Betucio domini Jacobi de Pavanensibus de una domo cum turri et curtili posita in capella Sancti Martini de Cazanimicis, juxta heredes domini Ubaldi Frenarij sive, domini Alberti domini Odofredi et juxta viam et juxta heredes quondam domini Francisci domini Acurxij, hinc ad quinque annos proximos, pro affictu quinquaginta lib. bon. quolibet anno et generaliter super omnibus et singulis que in instrumento ipsius locationis continebuntur; qui curator promisit et iuravit utillia facere et inutillia pretermitere, Et pro ipso curatore Alamanus de Segnorellis not. extitit fideiussor. Qui judex suam et comunis bon. auctoritatem interposuit et decretum dicens: esto curator.
Dictus Iohanes cum auctoritate et consensu dicti sui curatoris dedit et locavit ad. pensionem dicto Betucio supradictas domos (sic) cum turri et curtili etc. Ex instrumentis predicte cure et locationis scriptis manu Nigri de Quercis not. facto (sic) hodie — Bon. jn pallatio veteri comunis bon., ad discum Aquile jn presentia dicti judicis etc., pressentibus etc.
Lib. 94 Memorial. Iacobi Bonaventura de Cospis not., fol. 18 verso.