Eodem die (lune x Junij Millesimo ducentesimo octuagesimo sexto, Indictione quartadecima).
Cum lis et questio verteretur jnter dominum Allegraytuti de Mezovilanis seu eius procuratorem ex una parte, et dominos Albertum quondam domini Phylipi de Asinellis, et Phylipum quondam domini Bonacose de Asinellis seu procuratorem ipsorum ex altera, occasione otave partis turis Asinellorum posite in porta ravignana, juxta dominum Michaelem Parixij et viam publicam, et juxta piscarias et juxta ditam turim, quam partem turis, domuum et piscariarum dicebat ditus domini Allegraytuti ad se pertinere jure dominii vèl quasi, quia ipsam partem turis, domuum et piscariarum jn sollutum aceperat coram offitialibus comunis bon., ex primo et secundo decreto tamquam de bonis bereditatis domini Alverij de Asinellis et Jacobi eius filij pro dotibus olim domine Blaxie filie quondam domini Blaxij et neptis olim domini Mezovilani de Mezovilanis et uxoris quondam dicti Jacobi; que dotes fuerunt trecente lib. bon., quas habuerat ditus dominus Alverius pro matrimonio contrato inter ditum Jacobum eius filium et ditam dominam Blaxiam. Et pro centum lib. bon., quas habuerat ditus Jacobus in aumentum dotis predicta domina Blaxia eius uxor (sic) et pro expensis fatis jn causa existente (pro) dictis dotibus et aumento in casu restitutio, nis, quia solutum erat predictum matrimonium morte dicti Jacobi, et etiam morte dicte domine Blaxie. Et predictas res aceperat in sollutum ditus dominus Allegraytuti ex vigore cessionis in eum facte per dominas Azolinam et Flamilam sorores, filias et heredes quondam dicte domine Blaxie eorum matris et filias olim dicte domine Blaxie et cetera. Volentes predicte partes de lite et questione predicta ad talem patum et concordiam pervenerunt, videlicet: quod predicti domini Albertus et Philipus habeant, teneant et possideant predictam partem turis domuum et piscariarium, que fuit predictorum dominorum Alverij, Jacobi eius filij, vel nepotis dicti Jacobi pleno jure, non obstante obligatione et cetera.
Et preditus dominus Alegraytuti ex dicta causa transationis et ante solutionem sibi fatam, dedit et cessit predictis dominis Alberto et Philipo recipientibus omnia jura et ationes sibi competentes nomine et ocasione predicti debiti et obligationis dotium predicte domine Blaxie, que fuerunt trecente lib. bon., et aumenti dotium quod fuit Centum lib. bon. ex jure sibi aquisito ex cessione eidem facta de dictis juribus dotium et aumentum a dominabus Azolina et Flamila sororibus adversus heredes et sucessores dicti domini Alverij et Jacobi eius filij constituens eos et cetera, asserit ditus dominus Allegraytuti se esse verum creditorem dictarum heredum in supradictis quantitatibus, et habere bona eorum obligata et cetera. Et pro dicta causa transationis, preditus dominus Albertus et Philipus dederunt et solverunt eidem domino Allegraytuti Centum decem lib. bon., quas dare et solvere tenebantur filiabus dicti Jacobi, et neptibus predicti domini Alverij, ad quas videbatur pertinere hereditatem predictorum, et teneri vendere partem quam habebant predicti domini Alverius et Jacobus in turi seu solo turis, domibus et piscariis ipsis dominis Alberto et Philipo vel alteri masculo de dicta domo de Asinellis, secundum extimationem fatiendam arbitrio trium amichorum dicte domus et qui honorem dicte domus diligerent. Que extimatio facta est per dominos Bitinum de Gardinis, Symonem de Lanbertinis, et Dominichum de Poetis elletos ut amicos et honorem dicte domus amantes per dictos dominos Albertum et Philipum, secundum formam compromissi et laudi et consuetudinem suorum maiorum, cum omnibus alliis in dicto instrumento insertis. Ex instrumento domini Petri Bonandree not. facto hodie bon., in broilo de Asinellis, pressentibus etc.
Lib. 62 Memorial. Johanis quondam domini Perini not., fol. ccxxnj verso.