Millesimo ducentesimo nonagesimo octavo, Indictione undecima, die martis penultimo Aprilis.
Henrigiptus, Franciscus et Cabriozus fratres, filij et heredes condam domini Tixij condam domini Henrigipti Cabriozi et Caracoxa filia et heres condam Cabriogi quondam domini Henrigipti Cabriozi cum auctoritate et consensu domini Guezi domini Candaleonis de Castello eorum curatoris constituti ad infrascripta in presencia domini Gerardi judicis domini potestatis qui suam et comunis bon. autoritatem interposuit et decretum et predicto curatori exstitit fideiussor dominus Jacobus domini Henrigipti Arnolini ex instrumento ipsius cure scripto manu Blaxij Ubaldini de Stiglatico notarij et dominus Biachinus condam domini Henrigipti Cabriozi eorum patruus, volentes ad divisionem domorum eorum comunium et que condam fuerunt dicti domini Henrigipti patris predictorum dominorum Biachini, Tixij et Cabrioci, ad talem divisionem et concordiam pervenerunt, scilicet: quod jn una parcium predictarum posuerunt et designaverunt in primis domum ubi moratur domina Beatrixia cum canipa et cortixella; confines cuius sunt, scilicet: juxta dominum Thomaxinum Connoscentis et juxta domum obventam Caracoxe infrascripte et cum domuncula que est iuxta dominum Petropinum et juxta vias a duobus lateribus cum condictionibus et pactis, scilicet: quod domus de cortexella non possit levari ab axenario retro nisi usque ad capud de subtus fenestre ferate, que est in turri, dum tamen non inpediat lumini fenestrarum dicte turris, que fenestra ferata est a terra superius alta decem et septem pedum et ab asenario in anthea versus stratam possit se firmari dicta domus in sponda domus de turi usque ad stratam et in pillastro dicte domus, capiendo de cantone dicte turis versus viam duos pedes ad suam voluntatem, et elevare a dicto asenario in anthea versus stratam. Item quod domus que est juxta dominum Petropinum non possit elevari sine voluntate domus de broylo vel illius cuius erit dicta domus adendo domus de turri, et ille cui obvenerit dicta domus (det) dicte parti quinquaginta libr. bon. et dicta domus de broylo, et ille cui obveìierit dicta domus adendo etiam dicte parti alias quinquaginta libr. bon., que additio dictarum quantitatum peccunie fieri debeat ille cui obvenerit dicta pars hinc ad tres annos proximos in omni anno ille cui obvenerit dicta domus de turri, et ille cui obvenerit domus de broylo scilicet: quilibet eorum solvere teneatur et debeat illi cui obvenerit dicta pars omni anno hinc ad tres annos proximos in festo Natalis domini cuiuslibet anni Treginta soldos bon., que pars de comuni concordia omnium predictorum obvenit in partem dicto domino Biachino. In alia vero parte posuerunt et designaverunt jn primis domum de broylo cum toto broylo et cum secuntis que sunt in dicto broylo, juxta vias a duobus lateribus et juxta domum obventam Caracoxe jnfrascripte cum hiis conditionibus et pactis quod dicta domus non possit elle vari hedificium aliquod a mancholo (sic) quod est sub chochina domus de turri mensurando a sponda grossa que est in domo de broylo et acipiendo tredecim pedes et postea mensurando viginti tres pedes eundo inferius, et a sero et a mane mensurando decem et novem pedes in quibus viginti tribus pedibus mensurandis eundo inferius et dictis decem et novem pedibus mensuratis a sero a mane non possit ellevari nec hedificium aliquod hedificari nec aliquod aliud quod inpodiat vel inpedimentum aliquod faciat lumini fenestrarum que sunt in domo turis usque ad angulum fenestre de subtus, que est in domo turris usque ad medium broylum, mensurando a sponda grossa que est in domo turris usque ad sponda (sic) que est ab alio latere broyli eundo versus sanctum Columbanum etc. Et quod androna que in domo turris et sponda dicte androne que est versus broylum remaneat et remanere debeat comunalis etc. In alia vero parte posuerunt et designaverunt inprimis domum de la ture cum dicta turri, ita tamen quod pluere possit pro ut pluit etc. Que pars de comuni concordia omnium predictorum obvenit in partem dicte Caracoxe etc. Et insuper domina Jacobina uxor condam dicti domini Tixij et mater predictorum Henrigipti, Francisci et Cabriozi, et domina Beatrixia uxor condam dicti domini Cabriozi et domina Richildina, cui dicitur Chidina, uxor dicti domini Biachini presentes dicte divisioni, consenserunt et renuntiaverunt omni juri quod habent in domibus obventis in partem etc. Ex instrumento dicti Blaxij de Stiglano not. facto dicta die, loco et pressentibus etc.
Lib. 95 Memorial. Martini condam Michaelis de Cento not., fol. lvij.