Eodem die (Sabati decimono decembris m.°ccI.°xxxij, In- dictione x*).
Petrobonus condam domini Usepi de Culforatis cum auctoritate domini Francisci condam domini Bombologni Becari sui curatoris ad infrascripta specialiter constituti ante presentiam domini Guilielmi de Lupis judicis domini Potestatis etc. jure proprio vendidit et tradidit Lambertino et Bombologno suis fratribus filiis quondam dicti domini Usepi tertiam partem domorum et medietatis unius turris, quam habet pro indiviso cum dictis suis fratribus posita in capella Sancti Vitalis juxta heredes condam domini Bonacursij de Culforatis et juxta dominum Jacobinum de Medicina et dominum Henrigiptum merzarium et juxta Phillippum de Tubata et Hodolinum de Calcina et viam publicam, pro pretio vigintiquinque lib. bononinorum, et si plus valerent donavit eis pure, libere et simpliciter inter vivos. Et quia minor erat juravit more minorum. Ex instrumento dicte venditionis et donationis scripto manu dicti notarii. Facto hodie Bon. in pallatio veteri Comunis coram dicto Iudice suam auctoritatem interponente; et pressentibus domino Michilino de Culforatis, domino Mateo de Culforatis etc.
Lib. 49 Memorial. Boniidei Bencevenuis de Curionibus not., fol. clviiij