13... (sic)
Nobilitati ac magnificentie vestrae exponitur pro parte fratris Andreae olim domini Bonifatii de Asinellis, Reghetti quondam domini Capoani, et Bertolomei ejus fratris de Asinellis, quod ipsi jus habent et habere debent in Turri Asinellorum tam propter locationes factas per dominum Philippum de Asinellis suo nomine et nomine Capoani et Bonacose de Asinellis in 1312 quam etiam ex successione et haereditate domini Ugolini domine Bonacosse de Asinellis patris olim domini Bonifatii licet propter potentiam dicti domini Philippi praedictos tempore illorum de Sabadinis de possessione ipsius Turris privasset. Exponitur etiam quod dominus Tomas de Cazzanemicis vendidit domino Bonifatio praefato unam domum positam bon. in capella Sancti Michelis de Leprosetto in brolio de Axinellis tunc iuxta dominum Albertum de Asinellis, iuxta dominum Bonifatium et iuxta brolium Ecclesie predictae ex instrumento Gerardi quondam Arienti notarii. Et quod dominus Petrus Papellus vendidit eidem domino Bonifatio quodam (sic) suum casamentum ; partim casamentatum et partim non super quo est una domus posita in capella praedicta et sita iuxta dominum Bonacossam tunc conf .... (sic) ex instrumento Gulielmi Petroboni not. Quae domus et casamentum spectat ad dictum Fratrem Andream cum domibus existentibus super eo. Et quod dictus frater Andreas multo tempore stetit bannitus et propter potentiam illorum de Sabatinis et illorum de Gozzadinis, dictus dominus Philippus privavit dictum fratrem Andream possessione dictarum domorum et casamenti. Et quod filiae olim domini Philippi in possessione dictarum domorum et casamenti inquietant et molestant praedictum fratrem Andream et praedictos omnes de Asinellis in possessione dictae Turris. Quare supplicant quatenus dignemini et velitis provideri etc. et ordinare quod Vicarius domini Potestatis visis instrumentis etc. teneatur et debeat praedictum fratrem Andream in possessione dictarum domorum et casamenti induceré ipsum etc. et praeditos omnes in possessione dictae turris inducere et ipsos in ea mante nere etc.
Toselli, spoglio ms. dell' arch. crim. parte 2. fol. 982 verso.