die Martis xx februarij 1537.
Congregatis Magnificis Dominis XL Reformatoribus status libertatis Civitatis Bonon. etc., inter eos infrascripta partita posita et obtenta fuerunt,
Primo etc.
Item Collegium Institorum vestium pro mercalium, qui vulgo stratiaroli appellantur, habet et possidet ambitam Turris in alteram partem propensioris, quae in foro Asiniano est, e regione Turris Asinianae; quae quidem Turris vulgo Garisenda appellatur. Postulat vero sibi licere amotis ligneis tabernulis quas in eo ipso ambitu erexerit, lateritias extruere et aedificare et tegulis contegere; quo vero possint eas aliquanto laxiores facere, aliquid sibi concedi de pubblico solo Aecqua visa est postulatio, et cum ad exornandum imaginem eam beatissimae Virginis Christianorum omnium; patronae quae est in Turris pariete, vetustissimo et pulcherrimo opere depicta tum ad forum etiam illud honestandum melioribus aedificijs per quae accomodata etc. statuerunt itaque ut spectati Viri Senatorij publicorum operum praefecti, sive ut vulgo appellantur ornatus praefecti, videant et considerent quid et quatenus eis concedendum sit: et arbitrato suo concedant, Ratum et firmium quicquid hac in re concessum fuerit, habituri, contrarijs omnibus amotis et abrogatis.
Factum S. C. per fabas albas xxvij nigras ij.
Lib. 18 Partitorum 1535-1542 fol. 45.