Die Quarto Maij 1484.
Congregatis Magnificis Dominis Sesdecim Reformatoribus status libertatis Civitatis Bonon. in eorum solita residentia inter eos infrascripta partita obtenta fuerunt, et
Primo per omnes fabas albas decreverunt: quod Turris de Catelanis posita in platea maiori versus Monasterium Celestinorum demoliatur nomine Camere Bonon., salvo jure cuiuscunque tertij, potissimum cum ruinam minatur ex qua maxima incommoda et damna inferrj possent jis, qui domos ibi habent, et quorum adiacent eorum habitationes : ad quarti rem peragendam et executioni mandandam elegerunt spectatos equites dominum Galeaceum Marscottum de Calvis et dominum Bartholomeum della Volta cum omnimoda potestate omnia faciendi que eis necessaria videbuntur ad demolitionem turris predicte.
Lib. 9 Partitorum ann. 1478-82. fol. 61 verso.