Constat quamdam provissionem factam.per dominos Bonvilanum de Tederixij (sic) et socios, cuius provissionis tenor talis est. « In christi nomine, amen et Beate Virginis gloriose anno eiusdem Millesimo tricentesimosexto, indictione quarta, die (1) Congregatis dominis Otto nomina quorum sunt hec dominus Bonvelanus de Tederisijs etc. Et visa et examina(to) per eos quedam petitio poreta per Jacobum Dondidey, Andream Bertholomey et Landinum Petrizoli qui pecierunt ad utillitatem comunis bon. dari et locari ad unum annum, incoando in kalendis Januarii proxime venturis, custodiam carcerum comunis bon. silicet Turis de subtus camere superioris et Malpage, pro qua custodia flenda Comune bon. consuevit solvere custodibus dictarum carcerum et projusticia fienda circha quantitatem setingentarum libr. bon., dicendo quod non competit comuni bon. dictam quantitatem pecunie expendere sed pocius potest comuni bon. utillitatem consequi si dicta custodia locetur per comune bon. conferentes pro uno anno comuni bon. se velie dare quadringentas lib. bon., et dictis patis et conditionibus solvere pro rata, silicet eisdem per comune bon. ad patta facta tempore Dominico (sic) Tolomey et Johanis: Bonvisini Francucij et sociorum deffensorum averis comunis bon. compilla(ta) per dominos Bliobarisium de Azoguidis et Paulum de Sillimannis, legum dottores. Considerantes predicti Otto utillitatem comunis bon., et quod expedit ipsi comuni expendere dictam quantitatem septingentarum libr. bon. vel id circha pro custodia dictarum carcerum vel justicia fienda et quod comune bon. cessando a predictis expensis potest inde lucrari circha quantitatem quadringentarum libr. bon. et ultra singulis annis, providerunt, ordinaverunt, dispensaverunt et flrmaverunt predicti domini Otto unanimiter et concorditer, quod dicta peticio procedat et quod remaneat in provisione dominorum Pacis de Salliceto et Guidonis Bontalenti officialum comunis bon. officio bladi faciendi, disponendi, vendendi et locandi dictam custodiam et justiciam, et quod ipsi ambo habeant plenum, purum et merum arbitrium vendendi, locandi predictam custodiam et justiciam supradictis personis et socijs predicto precio seu mercede oblata seu maiori et pattis et conditionibus et modis secundum quod dìctis dominis Paci et Guidoni videbitur utillis comunis bon. ad unum annum incoando incoando (sic) in kalendis Januarij proxime venturis, et ad solvendum precium seu mercedem pro rata, et precium sive merces dicte locationis etc. etc.
Infrascripta est locatio dictorum carceratorum silicet Turris inferioris et camere superioris et carceris Malpage facta per predictos dominos Pacem de Salliceto et Guidonem Bon talenti, tenor cuius talis etc. etc. videllicet, quod dicti condutores et eorum socij seu participcs teneantur et debeant bene et solicite et omni dilligencia salvare et custodire carceratos qui eis assignabunt in dictis carceribus seu alioquin, a Kalendis Januarij proxime venturis vel quandocumque per dominum Potestatem vel Capitaneum vel aliquem ex suis judicibus vel aliquem de famillijs alicuius eorum vel aliquos officiales comunis bon. vel aliquos alios quos tenerentur tenere custodire vel quos sponte receperit ad custodiendum eos vel aliquem eorum carceratorum non relassare sine expressa licencia eius domini vel officialis, cuius mandati (sic) essent detenti vel detentus seu ad dictam carcerem consignatos vel sine licencia eius vel eorum qui fecissent aliquem detineri et consignari in dictis carceribus vel alteri ipsorum vel sine licencia illius judicis sive officialis cuius mandato esset detentus vel designatus in aliqua ex predictis carceribus, de qua licencia sive licencijs appareat per publicum instrumentum scriptum manu alicuius boni not. bononiensis si carceratus fuerit pro debito, si autem pro maleficio tunc ex licencia scripta manu uni (sic) notarij judicis etc.
Lib. 114 Memorial. An. 1306 liber seu quaternus continens in se securitates Capitaneorum Castrorum et eciam Custodum comunis et populi bon. etc. (non paginato).
(1) In bianco nell' originale.