Documento n. 138

Millesimo cc.°lxxxv.°, Indictione xiij, die lune xxvnj Madij.

Dominus Galixius filius quondam domini Johanis de Vercellis habitator bon. in populo Sancti Johanis in Monte jure proprio vendidit domino Johani filio quondam domini Azolini Tetalaxine quamdam domum, juxta filios quondam domini Boniiacobi Frugerini sitam, et turrim cum caxaturre juxta ipsam turrim edifichatum a latere turris versus vivarium et ipsum caxaturre cum tota sponda muri grossi, juxta dictum caxaturre sita et terenum super quo dicta sponda edifichata est et ipsum spondam et terenum et cum octo pedibus tereni a dicto casaturre vel sponda exteriori versus curtile quantum per longum versus curtem a muro tubata exterioris dictum domus caxaturre vel sponda protenditur, cum iure inmitendi et ponendi trabes in tubata juxta dictam turrim positam secundum quod ceperint octo pedes curie prelibati posite bon. in strata Chastellionis in capella Sancti Johanis in Monte, cuius domus, turris et caxaturris tales esse dixit confines: hab uno latere posident domine Adelaxia, Allena, Beatrixia et Bertholomea ipsius venditoris sorores ab alio filij quondam domini Boniiacobi Frugerini, a tercio via publica, condictionibus infrascriptis salvis et integre reservatis, videlicet quod dominus Johanes enptor prefatus vel eius heredes quantum dicti octo pedes capiunt versus curiam non possit facere vel hedifficare aliquod necessarium vel Iatrinas. Et versa vice dicte domine Adelaxia, Allena, Beatrixia et Bertholomea ad quas curia in qua jux dictorum octo pedum a dicto hemptore habetur vel earum heredes contra dictos octo pedes non possint edifficare aliquas Iatrinas vel necessaria. Item quod liceat dominabus predictis quandumque eis placuerit quantum tubata juxta turrim predictam possint capere mittere et infigere traves in sponda turris predicte et domus. Et si contigeret predictas dominas vel aliqua earum aliquando ellevare velie dictam tubatam quod dominus Johanes predictus balconcellum qui est super ipsam tubatam removere et tollere teneatur, pro pretio septingentarum septuagintasex lib. bon. Et insuper domina Yuana filia quondam domini Maij de Carbonensibus et usor supradicti venditoris predicte vendictioni et omnibus supradictis presens consensit et renunciavit omni suo juri quod in rebus predictis haberet occasione dotium suarum vel alia qualibet. Ex instrumento Coradinj Bonaventura de Armis not. facto hodie bon., in domo supradicti venditoris, pressentibus etc.

Lib. 58 Memorial. Nicholai quondam Angellini not., fol. clxxij verso.