Hoc est exemplum exempli, alterius exempli cuiusdam testamenti unius talis est tenor. Hoc est exemplum exempli cuiusdam testamenti, cuius talis est tenor: Exemplum cuiusdam testamenti cum die et constile sic incipientis. In nomine domini, amen. Anno eiusdem Millesimo ducentesimo quinquagesimo Septimo, Indictione quintadecima, die decimo Entrante februario. Venerabilis Pater dominus Coen dei gratia avinionensis Episcopus, sanus per gratiam Ihesu Christi mente et corpore, ut paratum eum inveniat extrema neccessitas, que sepe multos invenit imparatos, suarum rerum et bonorum omnium que habet citra montes dispositionem per presens nuncupativum testamentum, sine scriptis in hunc modum facere et perficere procuravit. Imprimis quidem etc. Item reliquit domino Thomaxino nepoti suo, filio quondam Pacis et Petrobono et Valeriano, Usepo et Michaeli, filiis domine Merchadante predicte, quicquid spectabat et pertinebat ad patrem ipsius testatoris, et ad ipsum testatorem spectat et pertinet ex omnibus que habebant comunia cum Tencharariis, Silicet ex turri Tencharariorum, et ex domo comuni, que fuit quondam domini Oderici de Tencharariis, et ex Casamento quod fuit quondam domini Bertholomei de Tencharariis, et ex omnibus aliis quibuscumque etc.
Actum in domo Ecclesie Sancti Antonij de Bononia de Savina, in camera in qua ipse dominus Episcopus morabatur, presentibus fratre Trovato Priore Sancti Michaelis de Buscho, domno Paulo monaco Sancti Stephani, fratre Johane de Broylo de Sancto Michaele de Buscho domino Allamanno Infrangeloste de Civitate Florentie, et Raymundo Torta Canonico Sancti Ruffi de Valencia, domno Boninsegna priore Sancti Antonij predicti de Bononia de Savina et presbitero Bevagno eiusdem Ecclesie Canonico, et domino Aldiberto milite de Novis, petro Durandi priore Sancti Agricoli Avinionensis, et fratre Ugolino de Tencarariis de ordine fratrum Minorum, testibus vocatis et rogatis.
Ego Isnardus domini Johaninj Picolpili filius imperiali auctoritate notarius, predictis interfui et ea omnia de mandato dicti Venerabilis Patris avinionensis Episcopi scripsi subscripsi.
Ego Bencevenne quondam Jacobi domini Grimaldi de Saliceto, imperiali auctoritate notarius, suprascriptum testamentum cum autentico scripto manu Ysnardi domini Boniohanini Picolpili filii notarii, una cum infrascripto notario de verbo ad verbum ascultavi bona fide, coram domino Blaxio judice et assessore domini Andree Ceni secundi potestatis bon., et de suo mandato cum meo signo proprio me in testem subscripsi.
Ego Bondi filius domini Petricoli imperiali auctoritate no tarius, suprascriptum testamentum exemplavi et scripsi bona fide, ut in autentico scripto manu Ysnardi Boniohaninj Picolpili filij notarii inveni, et una cum suprascripto notario legi coram domino Blaxio judice et assessore domini Andree Ceni secundi potestatis bon., quibus omnibus sic peractis, dictus judex suam et Comunis bon. auctoritatem interposuit atque decretum.
Et ego Michilinus Jacobini Cavace, imperiali auctoritate notarius, ut in dicto exemplo invenj, ita fideliter sumpsi, exemplavi et scripsi etc.
Arch. del convento di S. Francesco in Bolog. Lib. M, num. 54, negli arch. demaniali.