Millesimo ducentesimo Nonagesimo octavo, Indictione un decima, die Martis decimo septimo Iunij.
Dominus Schanabechus condam domini Petri de Romanziis capelle Sancti Gervaxij jure proprio vendidlt domino Petro condam domini Berrardi de Ravone domum unam cum solo et edificio et turri positam in capella Sancti Gervaxij, juxta viam publicam, juxta sacratum ecclesie Sancti Gervaxij, juxta heredes quondam domini Contis de Romanciis, juxta dominas de Sancto Gervaxio, androna mediante, pro precio jn summa trecentarum viginti libr. bon., et promisit de legiptima defensione cum receptione libelli. Ad hec domina Richildina cui dicitur Chidina condam domini Lambertini de Ghisleriis et uxor Rolandini filij dicti venditoris et nurus dicti domini Schanabichi presens dicte venditioni certificata consensit et renuntiavit omni suo iuri quod habet in dicta re vendita occasione docium suarum vel alia qualibet. Sub pena trecentarum libr. bon. Insuper dictus dominus Schanabiscus venditor promisit dicto domino Petro emptori se facturum quod domina Johana eius uxor et filia condam domini Jacobini De riziis dicte venditioni consentiet et renuntiet omni suo juri quod habet vel habere posset jn dicta re vendita occasione docium suarum vel alia qualibet jnfra unum mensem postquam ei denuntiaverit, sub pena centum libr. bon. com omnibus et singulis aliis pactis, condictionibus, obligationibus et penis in dicto instrumento insertis. Ex instrumento Michaelis Petri Specialis not. heri facto Bon., in domo dicti venditoris, pressentibus etc. Rolandino filio dicti domini Schanabichi etc.
Lib. 95 Memorial. Martini condam Michaelis de Cento not., fol. Ixxxiiij verso.