Millesimo ducentesimo nonagesimo quinto, Indictione octava die secundo Decembris.
Dominus Ubaldus quondam domini Bonfatij de Bonconsiglis capelle Sancti Martini de Cazanimicis jure proprio vendidit per se et suos heredes domino Petro et Henrigipto fratribus et filiis quondam domini Jacobini de Bochadecane pro se et suis heredibus domum unam cum solo et hediffitio positam jn portanova jn capella Sancte Tecle, juxta viam et juxta heredes domini Nevi de Bixano et juxta ipsum dominum Ubaldum et heredes domini Jacobini de Bonconsiglis et dominam Ymeldam quondam domini Juliani de Bonconsiglis cum medietate spondarum que sunt jnter domum predictam et domum heredum predicti domini Nevi de Bixano cum medietate androne, que est a latere de super dicte domus jnter ipsam domum et domum dicti domini Ubaldi et dicte domine Ymelde et heredum quondam dicti domini Jacobini de Bonconsiglis et Androncellam, que est a latere sero dicte domus juxta turrim dictorum dominorum et dicte domine Ymelde. Item quamdam aliam domum positam jn dicta capella juxta predictam domum et juxta viam pubblicam et juxta casamentum quod est a latere de super dicte domus inter dictam domum et turrim superius nominatam cum sua parte dicti casamenti de super positi, quam partem dixit esse jn hunc modum, scilicet quod dicta domus habet unum se- misse pro stilicidio medietas autem residui est dicti domini Ubaldi et heredum dicti domini Jacobini et pro dicta domina Ymelda, quod residuum possidetur per eos pro indiviso et sic excopertum et desconboratum permanere debet usque ad casamentum quod extenditur a latere sero juxta dictam domum et turim predictam sine aliqua clasitura nec possit claudi vel coperiri sine voluntate dictorum consortum et cum sua parte casamenti positi jnter dictam domum et viam publicam, quam partem dixit esse in hunc modum, scilicet quod medietas dicti casamenti usque ad puteum et viam de subtus est dicti domini Ubaldi et heredum dicti domini Jacobini et domine Ymelde pro jndiviso, quod casamentum totum dixit dictus dominus Ubaldus debere stare discoboratum et discopertum ad voluntatem dictorum emptorum et aliorum consortum, pro pretio jn summa sexcentarum lib. bon., quod pretium confessi fuerint habuisse. Ex jnstrumento Sinaij Guensij not. hodie facto Bon. jn domo domini Johanis Homoboni, presentibus etc. domino Guilielmo de Bochadecanis etc.
Lib. 90 Memorial Petri condam domini Bonacurxii not., fol. lv.