In nomine Domini. Anno ejusdem millesimo c.xcvi. pridie Id. Aprilis Indict. xiiii. Nos qui juramus huic brevi juramus bona fide sine fraude adjuvare .... (sic) ad invicem cum turri et cum domo communi, et nullum contrarium facere per se vel per alium unus alteri. Sed si alicui jurantium pro suo ipso facto fuerit ei necessaria predicta turris .... (sic) alii teneantur ei dare jam dictam turrim cum domo et cum ea adiuvare nec contrarium facere et de facto elevationis predicte turris stare arbitrio et precepto duorum qui ex his jurantibus fuerint electi et illi qui electi fuerint bona fide teneantur facere ea que magis spectabunt ad honorem parentele jurantium. et predicti jurantes teneantur filios unum vel plures quot habuerint facere fieri simile sacramentum priusquam habuerint xv annos postquam requisiti fuerint infra unum mensem vel ad alium terminimi quod dederint Rectores sine fraude. et si aliqua discordia inter jurantium acciderit illi qui pro tempore fuerint rectores bona fide sine fraude ad concordiam revocare intra xxx. dies et discordantes stare ad preceptum rectorum. et nullum acquistum facere unum sine altero circa turrim. et quicumque requisitus fuerit inquirere alii et quicumque volluisset stare in parte emptionis habuisset partem suam et quiqumque noluisset stare in partem quicum que emisset habuisset eam. et nullam parentelam nullamque amicitiam neque ullum sacramentum facere debeant cum filios Uberti de Armanno neque cum filios rolandini petri henrici nisi fuisset cum consensu rectorum qui pro tempore fuissent et rectores cum consensu omnes alii vel majoris partis jurantium qui fecerint laborerium turris. et omnes qui sunt Cap. de laborerio turris scilicet dominus Hospinellus et dominus Marescottus et dominus Jacobus de Bernardo et dominus Guidotus frater ejus et dominus doctus et dominus petrus Lovelli et peregrinus et Rolandus et bisius quicumque eorum electus fuisset in regimine recipere et non recusare et ad Kal. Maii usque ad annum et in capite anni eligere alios et quicumque electus fuerit accipere et non recusare et in capite uniuscuiusque quinquennii Sacramentum renovare. et si rectores qui pro tempore fuerint conscilium petierint alii jurantibus ipsi bona fide sine fraude teneantur eis dare et credentiam quam inter se patefecerint tenere, et omnes supradicti preter Rolandum juraverunt omnia supradicta observare et hoc fuit presentia domini Guidonis Gizardi et domini Jacobi Alberti de Urso et mainardini de burgo et rainerii de majo.
Et omnes jurantes teneantur eis obedire omnia illa precepta que spectant ad honorem et utilitatem parentele jurantium.
Ego bonusfantinus quondam F. Imperatoris not. ad omnia supradicta interfui s. s. et subscripsi.
Dall' arch. dei conti Savioli: Savioli Ann. v. 4 pag. 190.