Eodem die (sabati xiij Madii Millesimo ducentesimo octuagesimo tercio, Indictione undecima).
Petrus et Guido fratres et filij quondam domini Jacobini Guidonis Petri Coradi fecerunt et ordinaverunt Matheum quondam domini Teste de Rodaldis presentem et sponte susci-pientem eorum procuratorem et nuntium specialem ad vendendum et tradendum et etiam dandum et tradendum in solutum una cum Lando fllio Nurri de Artenixiis et ipso Nurro, Azzoni Venture totam domum eorum cum curia et solarolo post dictam domum sitis positam in capella Sancti Stephany iuxta domum seu tubatam domini Petri iuxta stratam publicam et iuxta domum que fuit dicti Petri quam Zacharias Buvali vendidit domino Guidoni Cattanio et que nunc est dicti Azzonis, et iuxta dictum dominum Guidonem, cum iure trabium et lignorum inmitendum in muro tubate dicti Petri et postarum habendarum in eo; pro precio ducentarum vigimti (sic) novem lib. et decem et septem solid. bon., et pro quinquaginta quatuor lib. et sedecim solid. bon., quas dictus Petrus in solidum cum Burino Magistri Guilielmi medici dare et solvere promisit et tenebatur Laurentio de Magarottis ex causa mutui, et pro duodecim lib. bon., pro parte debiti vigimti lib. bon., quas dictus Petrus in solidum cum Petrizolo becario quondam Benvenuti de Predamala dare et solvere promiserit domino Sisto de Bavoxis ex causa Iaborandi in arte becariorum, et pro tribus lib. et septem solid., quas dictus Petrus dare et solvere promisit dicto Laurentio de Magarottis ex causa mutui; de quibus omnibus quantitatibus pecunie dictus Azzo habet iure cesso contra dictum Petrum et eius heredes et bona et ad solempem instrumentum venditionis et dationis in solutum fatiendum eidem de re predicta, et ad pretium predictum recipiendum et confitendum sibi fore solutum esse, et ad possessionem trandendam eidem de dicta re, et ad promitendum eidem in solidum de legitima defensione dicte rei. Item ad ratificandam et aprobandam venditionem factam per Zachariam Buvali domino Guidoni Cattanio de parte domus et turris que fuit dicti Petri posite in dicta capella iuxta stratam publicam et iuxta ipsum dominum Guidonem Cattanium et iuxta dictam domum et cessionem iurium factam per ipsum Zacariam dicto domino Guidoni in domo predicta et etiam oblationem Centum vigimti unius lib. et decem solid. bon. factam dicto domini Guidoni per dictum Azzonem tamquam creditorem dicti Petri, et ad promissionem de legitima defensione dicte partis domus et turris fatiende et ad paciscendum cum eo, et instrumenta debiti et iurium eidem Azzoni dandum pro defensione dictarum rerum et iura cedenda, bona eorum obligandum ed ad omnes et singulas promissiones, obligationes, renuntiationes, pacta et conventiones fatiendas que circa predicta fuerint oportuna et generaliter ad omnia et singula fatienda que in predictis et quolibet eorum fuerint oportuna et que ipsimet facere possent, dantes eidem plenum et liberum mandatum. Ex instrumento Jacobini Gerardelli de Castro Britonum not. facto heri bon. in curia domus Johannis Cugii capelle Sancti Leonardi, pressentibus etc.
Lib. 56 Memorial. Guidonis quondam Bomtalenti not., fol. cxxiiij verso.