Die Jovis primo Marcij (mccixxiiij, Indictione secunda).
Frater Victalis Minister fratrum minorum in provincia bon., et
Frater Albertinus de Corvaria Guardianus fratrum minorum de bon.
ut comissarij, distributores, executores et errogatores testamenti quondam domini Guidonis filij quondam domini Berofaldini et etiam testamenti quondam domini Berofaldini pro septima parte et etiam testamenti quondam domine Bolnixie neptis dicti domini Berofaldini et ex potestate comissionis facte predictis Ministro et Guardiano per venerabilem Patrem dominum Octavianum bon. Episcopum, sicut de hoc constat ex instrumentis domini Bonaventure Viviani not., et etiam frater Addam de Castro Britonum custos dictorum fratrum et frater Gerardinus Gualengi adiunti predictis et ellecti ad infrascripta factienda, vendenda et promitenda una cum predictis Ministro et Guardiano jure proprio in perpetuum vendiderunt et tradiderunt domino Albico domini Jacobi de Duglolo de strata Castiglionis et domino JBlaxio Ancilelli de strata maiori ementibus domos omnes anteriores et posteriores et turres cum cortili et puteo cum solo et, hedifitio et cum omnibus et singulis super se et infra se coherentibus poxitis in porta Steri in capella Sancti Fabiani de supra et a mane via et avesella, a sero Gatharij, mille tornai terre de podere, quod fuit predictorum dominorum Berofaldini et domini Guidonis sui filij et domine Bolnixie neptis dicti domini Berofaldini poxito in Caldararia Policino, a sero Reni, Sancta Helena et Sala etc. Et hoc pro pretio Octo millium libr. bon. in summa etc. Ex instrumento domini Bonaventure Viviani not. facto heri in loco fratrum minorum de bon. in cella ubi moratur frater Jacobus de Gioca post ecclesiam. pressentibus fratre Pelegrino de Poligino etc. testibus, ut dicti contrahentes dixerunt et scribi fecerunt.
Lib. 24 Memorial. Johannis Salvj not., fol. xxxviij.