Die Sabati predicta vigesimo sexto Novembris (Millesimo ducentesimo octuagesimo nono, Indictione secunda).
Cum domina Bartholomea filia quondam domini Guidonis domini Herminij de Radicibus et uxor domini Guilielmi filij quondam domini Guidoclerij de Galluciis vendidisset et tradidisset jure proprio jmperpetuum dominis Sanuto filio domini Francisci Otte pro tercia parte Francisco domini Allegrante de Musonibus stipulanti suo nomine et nomine et vice domini Michaelis domini Zumignanj Boicij, et Michaelis domini Guidonis Pavabeveris et Petro domini Cordaninj pro medietate, et dicto Francisco stipulanti et recipienti nomine et vice Palamadexij quondam domini Ursij de Buschittis pro tercia parte medietatis ementi et recipienti pro eis eorumque heredibus infrascriptas domos, turres et stationes cum solis et hedifficiis quas habebat partim pro diviso et partim pro indiviso cum Sanuto predicto et domino Guilielmo de Lambertinis, cum omnibus muris domorum et turrium planarum et balchonatorum, videlicet: jnprimis unam domum planam et medietatem unius turris quam turrim habet pro indiviso cum Sanuto predicto positam in civitate bon., in loco qui dicitur Zamparie, in capella Sancti Laurencij de Guarinis, juxta dominum Bonincontrum de Guastavillanis et juxta heredes domini Guidonis de Bochaderoncho et juxta viam publicam et flumen Apose via mediante. Item quamdam aliam domum etc. Item quasdam alias domos sive stationes cum una turri quam habebat pro indiviso cum domino Guilelmo de Lambertinis predicto, positas in dicta capella, juxta viam publicam a tribus lateribus, et juxta Bitinum domini Petronj de Guarinis; que bona et res fuerunt et ad eam pervenerunt de bonis et hereditate dicti domini Guidonis sui patris, pro precio mille ducentarum libr. bon., quod precium totum predicti emptores in presencia mei not. infrascripti et infrascriptorum testium etc. dederunt solverunt et numeraverunt etc. Ex instrumento Lambertini de Gualandinis heri facto bon., in Ecclesia Sancti, Ambroxij, pressentibus etc.
Lib. 76 Memorial. Guidonis Lambertinj de Stifunti not., fol. Iviij. verso.