Millesimo ducentesimo Nonagesimo, Inditione tertia die duodecimo mensis Jullij.
Constat Princivalle filius domini Petrizoli de Medicina emisse a dominis Prevedino Guidoctino et Guilielmo fratribus et finis quondam domini Jocobi domini Comitis de Prendipartibus quasdam domos, pallatia, turim et curtilem positum in Capella Sancte Marie de Auxelictis sive sancti Michaelis de foro medij, juxta ipsam Eclesiam sancte Marie de Hosellitis pro parte juxta dominum Zachariam domini Ugolini Gabionis de Ysnardis pro parte, et juxta vias publicas a mane desuper a sero et desuptus pro parte pro precio Trium Millium quingentarum libr. bon. ex duobus instrumentis emptionum scriptis manu Giberti Drudolini not. Apparet etiam ex confessione et asertione predictorum Princivallis, Preve- dini, Guidoctini et Guilielmi tempore dictarum emptionum factarum per dictum Princivallem predictis Prevedino et fratribus et ante ipsas emptiones et post incontinenti convenisse ipsum Princivalle per pactum revendere et retrodare predictas domos Previdino et fratribus vel alteri ipsorum aut cui comiteretur ellapsis quinque annis a die dictarum emptionum predicto precio Trium millium quingentarum libr. bon. etc. Constat etiam dominum Ubertum, dominum Bertolomeum et Franciscum fratres et filios quondam domini Federici de Pavanensibus et Betutium eius nepotem filium quondam domini Jacobi de Pavanensibus emisse dicto Princivalli dictas domos, pallatia et turrim et curtile tempore cuius emptionis quam fecerunt de dictis domibus a dicto Princivalli convenisse de promittendo et se obligando predictis Prevedino et fratribus seu alteri ipsorum vel eorum procuratori, curatori vel nuncio de revendendo et retradendo predictas domos predicto modo et forma. Qua propter predictus dominus Ubertus, Bertholomeus, Francisscus et Betucius volentes observare conventa et pacta predicta et super hijs agnoscere bonam fidem et sientes quod alliunde predicti Previdini et fratres non processerunt ad venditionem dictarum domorum faciendam nisi predicta conventio et promissio eis fieret et observaretur promisit per se et eorum heredes, scilicet unusquisque ipsorum principalliter et in solidum se obligando predictis Prevedino, Guidoctino, et Guilielmo pro se et eorum heredibus et sucessoribus stipulantibus vendere et tradere predictas domos ipsis Prevedino et fratribus seu alteri ipsorum vel alteri ipsorum heredi vel sucessori quocienscunque ellapsis dictis quinque annis proxime venturis, et deinde ad alios quinque annos seu post primos dictos quinque annos usque ad alios quinque annos predicti Prevedinus vel fratres seu alter ipsorum vel alteri ipsorum heredi vel successori vel nuncius obtullerit dictis dominis Ubertino Bertolomeo Francissco et Betucio aut ipsorum heredibus seu ad domum ipsorum vel alterius eorum ubi habitant vel tunc ipsis habitabunt dictam precij quantitatem Trium millium quingentarum bon. (sic), qua oblatione et depositione ipsius pecunie facta, liceat Previdino et fratribus et ipsorum heredibus et sucessoribus possessionem ipsarum domorum, pallatiorum et turris intrate etc., et cum omnibus alijs pactis conventionibus, penis et promissionibus et obligationibus in dicto instrumento contentis scripto manu domini Ghiberti Guidolini not. facto hodie bon., super sala pallatij novi comunis bon., pressentibus etc.
Lib. 77 Memorial. Johannini Manelli not., fol. vj verso.