Documento n. 213

Millesimo ducentesimo Nonagesimo Septimo, Indictione decima, Die quarto Novembris

Dominus Bitinus Dominus Franciscus fratres et filij quondam domini Iohanis de Soldaerijs capelle Sancti Michaelis de Lebroxeto jure proprio vendiderunt domino Iacobo quondam domini Zovenzonis de Soldaerijs pro se et suis heredibus ementi domum unam cum solo et edificio et tereno, androna vicinale post ipsam positam muris et parietibus, et cum medietate pro diviso turis in dicta domo hedifficate cum omnibus juribus ad ipsam domum, turim et andronam spectantibus positis Bon., in dicta capella, juxta stratam publicam strate maioris a latere superiori, juxta dictum emptorem, juxta dominum Gardinum de Pegolottis et juxta dominum Rolandinum de Soldaerijs. Et hoc pro precio et nomine precij in summa Quatrigentas libr. bon. Quod totum precium dictus emptor presentialiter dedit et solvit venditoribus supradictis, cum pactis, penis, promissionibus et obligationibus in dicto instrumento contentis. Et insuper domina Gallapatricia mater dictorum venditorum et uxor quondam dicti domini Johanis eorum patris et filia quondam fratris Amadoris de Gozadinis domina Guiducia uxor dicti Bithini venditoris, et domina Sopercla, cui dicitur Bitina, uxor dicti Francisci vendititoris et filie quondam domini Bertholi Alberti Fabri not. predictis omnibus presens (sic) dicte venditioni consenserunt et renuntiaverunt omni eorum juri quod habent vel habere possent in dicta re vendita occasione docium suarum, vel alia quacunque. Ex instrumento Guilielmi de Bancis not. hodie facto Bon., in domo dicti Jacobi emptoris, pressentibus etc. Soldaerio domini Jacobini Soldaerij etc.

Lib. 94 Memorial. Rodulfi a Vivianj not., fol. xl verso.