Documento n. 192
Die duodecimo Februarij (Millesimo ducentesimo nonagesimo tertio, Indicione sexta).
Dominus Frater Palamadexius quondam domini Ordelaffì de Milancolis ex una parte, et dominus Milancius filius domini Iohanini Bonaiolj, et Albericus filius domini Vicentij de Santo Georgio, dicto suo patre presente consenciente mandante et autorante ex altera, volentes ad divixionem infrascriptarum domorum quas dictus frater habet, tenet et possidet comunes et indivisas cum predictis dominis Milancio et Alberico pervenire, que domus poxite sunt in capella Sancti Nicholaj de Albaris scilicet una cum pede turis et allia ubi est ficus juxta viam publicam juxta dominum Bonincontrum domini Bonincontri, et juxta Otavianum cui dicitur Tanus de Prendipartibus, fecerunt de ipsis domibus duas partes, videlicet in una prima parte posuerunt unam cum pede turis ex dictis domibus poxitam a latere superiori, scilicet juxta dictum Tanum sive Otavianum et juxta viam publicam quam partem sibi ellegerunt predicti domini Milancius et Albericus cum auctoritate et consensu dicti sui patris, et eam pro eorum porcione sibi elligerunt, de consensu et voluntate dicti domini Fratris. In alia vero et secunda parte posuerunt scilicet a latere de sutus alliam domum ubi est ficus poxitum juxta viam publicam, juxta predictum dominum Bonincontrum et juxta predictos dominos Milancium et Albricum; quam quidem partem dictus Frater sibi in suam porcionem ellegit et esse voluit de consensu et voluntate predictorum domini Milancij et Alberici, cum pactis, penis, promissionibus et obbligationibus in dicto instrumento insertis. Ex instrumento Rudulfi Dominici not. facto hodie bon. in domo preditorum dominis (sic) Milancij et Alberici, pressentibus etc.
Lib. 86 Memorial. Dominici de Meserazano not., fol. xxvij verso.