Eodem die (mercurij xv° Maij Millesimo ducentesimo octuagesimo sexto, Indictione quartadecima).
Cum lix et questio seu controversia verteretur et esset inter dominum Scanabichum quondam domini Rolandini de Romanciis legum doctorem ex una parte, et Guidestum filium quondam dicti domini Rolandini et fratrem ipsius domini Scanabichi ex alia, occasione cuiusdam domus seu domuum, cum turibus et curtili que condam fuit domine Bolnixie quondam domini Guidonis Barufaldini positis in porta Steri, in capella Sancti Fabiani iuxta viam publicam et juxta Apossam sitam viam publicam (sic) mediante et juxta dominum Savarixium de Gatarijs pro parte domini Pauscipauperi domini Castelani Bonaioli et juxta heredes quondam domini Zandonati de Malavoltis, quam petebat dictus dominus Scanabichus debere luy et recuperari per ipsum Guidestum et de pecunia ipsius Guidesti a domino Francischo fllio domini Acursij legum doctore cui domino Francisco dicebat ipse dominus Scanabichus in rey veritate pignorasse et obligasse pro M. lib. bon., in summa ad preces et instanciam et mandato et precibus dicti Guidesti causa solvendi de dictis M. lib. bon. condempnationes factas de ipso Guidesto per dominum Johanem de Pescharolo olim potestatem bon., una videlicet qua condempnatus fuit solus in ccc lib. bon., et aliis duabus quibus condempnatus fuit cum Raynerio et Comazo cui dicitur Mazolus fratribus et filiis domini Aghinulfi, scilicet una pro quolibet eorum de ccccc lib. bon., et alia ccccc lib. bon. de ipso Guidesto propter quasdam iniurias que dicebantur facte per ipsum Guidestum et allios supranominatos in dominum Guidonem de Montebellio et Guidonem eius filium et Jacobum eius filium ex denuntiatione predictarum factis de ipso Guidesto, et de quibus mille lib. bon. solute fuerunt pro parte dicte condempnationis, licet continentur in instrumento scripto manu domini Henrigipti Feliciani not. ipsum dominum Scanabichum vendidisse predictam domum sive domos et turres et cortille predicto domino Francischo, pro precio predictarum mille lib. bon. Et super eo quod petebat ab ipso Guidesto quod ipse faceret et curaret quod predictus dominus Franciscus teneretur ei predictam domum et domos pro dicto precio et quod dictum precium solvetur de suo ipse Guidestus et quod satisfaceret eidem domino Scanabicho de pensione dicte domus que est annuatim c. lib. bon. Ad quod dicebat dictus Guidestus se non teneri, set partem dicte domus sive domuum ad se pertinere, quod negabat predictus dominus Scanabichus alegando solidas domos predictas ad se pertinere pleno iure ex divisione facta bonorum condam dicti domini Rolandini ex instrumento scripto manu Raynerij quondam domini Leonardi Tuscholi not., ut asseruerunt. Et super eo quod petebat dictus Guidestus a predicto domino Scanabicho aprobari, rarificari et confirmari instrumenta divisionum factarum de bonis et hereditate condam predicti domini Rolandini scripta manu predicti Raynerij not. et renonciari per eum omnibus et singulis juribus que habent vel habere possent in bonis perventis in partem predicto Guidesto et Arimondo nepoti predictorum et filio olim domini Petri condam domini Rolandini de Romancijs predicti in instrumentis dictarum divisionum quacumque de caussa ad que facienda negabat se teneri predictus dominus Scanabichus. Volentes predicte partes concordiam et compositionem et transactionem super predictis omnibus et singulis pervenire et sunptibus juditiorum strepitus evitare ad hanc concordiam, compositionem, transactionem, compensationem pervenerunt, videlicet: quia ipse et Guidestus pro se et suis heredibus recipiens se obligando promisit pre dicto domino Scanabicho pro se et suis heredibus stipulanti ex causa transactionis dare et solvere M. lib. bon., hinc ad festum Sancti Michaelis proximum venturum causa luendi et recuperandi predictas domos a predicto domino Francischo et se facturum et curaturum, quod predictus dominus Francischus hinc ad dictum festum vendet predictas domos predicto domino Scanabicho predicto precio M. lib. bon., et nichilominus eidem domino Scanabicho solvere c. lib. bon., nomine sui dampni et pro pensione presentis anni, asserens ipse dominus Guidestus predictas domos, tures et curtile solidas pleno iure pleno jure (sic) dominij et possessionis fruisse et esse in rey veritate predicti domini Scanabici et ipsum dominum Scanabichum dictas domos pignorasse et obligasse predicto domino Francischo pro dicto precio M. lib. bon. dictum precium totum conversum esse in condempnationes predictas factas de ipso Guidesto et predicta omnia et singula facta fuisse per ipsum dominum Scanabichum ad preces et instanciam et de mandato ipsius domini Guidesti et nichilominus ipsum dominum Scanabichum et eius bona conservare indempnem a predicta obligatione et venditione et ex adverso predictus dominus Scanabichus confirmavit et aprobavit instrumenta divisionum factarum de bonis et hereditate condam predicti domini Rolandini eorum patris scripta manu supradicti Raynerij not., et omnia et singula que in dictis instrumentis divisionum continetur, asserens predictas divisiones factas fore de voluntate ipsius, nec non renunciavit omni juri, quod habet vel habere posset in bonis et rebus perventis in partem domini Guidesti et Arimondi ex dictis instrumentis ratione alicuius donationis, alienationis seu contractus facte seu celebrati per ipsum dominum Rolandinum vel alium eius nomine et ipsum dominum Scanabichum, vel cum ipso domino Scanabicho vel alio nomine ipsius domini Scanabichi; que instrumenta divisionum, alienationum seu contractus omnes propter quos possidere dici ipsum dominum Scanabichum ius habere in dictis bonis perventis in partem predictis Guidesto et Arimondo voluit et mandavit esset vanna et cassa et nulius valoris atque momenti asserens ipsa fiticia et simulata esse, sive fuisse et omni allio iuri quod habet vel habere posset in dictis bonis perventis in partem dictis Guidesto et Arimondo et que tenebantur vel possidebantur per dictum dominum Rolandinum tempore mortis sue contra ipsos Guidestum et Arimundum sive alterum eorum tamquam possessores vel detemptoris, vel alio quocumque modo; salvo tamen omni suo iuri, quod habet vel habere posset in bonis perventis ad eum ratione divisionis facte inter ipsum et dictos Guidestum et Arimondum ex instrumentis predictis divisionum etc. Insuper dictus Arimundus quia minor erat juravit more minorum etc. Ex instrumento dicti Francischi not. facto dicta die, loco, et pressentibus dictis testibus et pluribus allijs etc.
Lib. 64 Memorial. Nicolai Phylippi not., fol. cxiiij.