Reperitur in actis mei Benedicti de Fulianis notarii tempore domini Lucheti de Gataluxis potestatis bon., sub anno Domini millesimo ducentesimo septuagesimo secundo, Indictione quintadecima interdicta in hunc modum die xiiij exeunte Octubri. Cum dominus Guilielmus de Rodofredo judex et assessor dicte potestatis ex parte ipsius domini potestatis requireret et moneret dominum Guidoctinum senem de Prendipartibus ut in domibus suis quas habet in «vitate bon. constitueret et asignaret, partem et portionem Guizardino suo filio banito comunis bon. pro homicidio per eum commisso impersonam et de persona domini Ugolini condam do mini Bonacose de Asinellis, ut ipse dominus potestas possit facere destrui domos pertinentes ipsi Guizardino pro tanto malleficio per eum commisso ad vindictam et iustitiam apparentem. Qui dominus Guidoctinus voluntate spontanea et motu proprio respondens monitioni et requisitioni predicte, dixit quod placebat et de sua voluntate est quod dominus potestas possit vindictam et iusticiam et destructionem facere et fieri facere. In medietate domus et turris posite post ecclesiam Sancte Marie de Hoxelitis quam inabitabat dictus Guizardinus tempore dicti homicidij perpetrati. Quam domum et turrim dictus dominus Guidoctinus, ante presentem asignationem habebat comunem pro indiviso cum filliis et heredibus condam domini Jacobini Pizoli de Prendipartibus. Item in tercia parte cuiusdam domus posite in cappella Sancti Nicholai de Albaris iuxta vias publicas a duobus lateribus et iuxta turrim quam habitat Azolinus filius domini Guidoctini de Prendipartibus et iuxta viam publicam ab allio latere. Quas partes designatas dictus dominus Guidoctinus dedit, atribuit et consignavit predicto modo et forma dicto Guicardino filio suo absenti ad predicta facienda et exequenda secundum quod placuerit dicto domino potestati.
Actum bon. iuxta domum domini Guidoctini prope viam que vadit inferius presentibus domino Raynerio de Liacariis, Johane de Manzolino nuntio comunis et Rodolfino nuntio comunis testibus
Ego Benedictus de Fulianis imperiali auctoritate notarius et nunc ad dischum dicte potestatis notarius scripsi.
Eodem die
Cum dominus Guidoctinus senes de Prendipartibus dedisset, constituisset et asignasset Guizardino filio suo absenti et banito pro homicidio per eum perpetrato in persona condam Ugolini de Asinellis ad vindictam et iustitiam faciendam de homicidio predicto per potestatem et comune bon. medietatem cuiusdam domus et turris posite iuxta eclesiam Sancte Marie de Hoxilitis quam ipse dominus Guidoctinus habebat comunes pro indiviso ante asignationem predictam cum filiis et heredibus quondam domini Iacobini de Prendipartibus, et dictam partem pro indiviso cuiusdam alterius domus in cappella Sancti Nicholai de Albaris iuxta viam publicam a duobus lateribus et iuxta dominum Sistum de Bavosis et iuxta turrim quam habitat Azolinius domini Guidoctini de Prendipartibus sicut de predictis apparet publico instrumento scripto manu mei notarii. Et dominus Guilielmus de Rodofredo iudex potestatis et dominus Opizus de Gadutio milex et sotius dicte potestatis ivissent et essent in ipsius domibus constituti, volentes portiones et partes predictas dicto Guizardino asignatas diruendas et destruendas discernere et terminare et dividere ab illis partibus que destrui non debent, convocaverunt coram se magistros lignaminis et opices infrascriptos; nomina quorum sunt hec: magister Ventura de Caxi, magister Ayturius, magister Petrus eius frater, magister Stefanus capelle s. .Ysaie et magister Paxe capelle S. Cicilie, qui juraverunt sacramento eis delato a iudice predicto dictas domos bona fide et legaliter et sine fraude dividere secundum modum suprascriptum. Qui comuniter et concorditer sub sacramento ab eis prestito retulerunt se se dilligenter vidisse et extimasse domum predictam in cappella S. Nicholai de Albaris, dicentes et extimantes pro tercia parte et valore tercie partis seu extimatione dicte tercie partis asignate dicto Guizardino destruendum esse totum murum et parietem anteriorem dicte domus sicut protenditur aula seu sala dicte domus ab uno pariete, ad alium, seu ab uno muro ad alium versus meridiem et setentrionem cum copertura et omni edifitio a summo husque ad deorsum dicte sale seu caminate funditus destruendo usque ad colunam que media est in ipsa caminata tam in parte inferiori quam superiori, sicut dicte columpne superior et inferior respitiunt et mirant a meridie versus septentrionem; ita quod ipse columpne cum alia parte aule et cum omnibus allis partibus dicte domus, que sunt post ipsas colonas versus orientem saule maneant et integre non destruende; ita etiam quod ille partes domus que non destruantur per solum illius partis que destrui debet abeant et habere debeant liberum exitum et ingresum omni tempore sine contradictione comunis bon., et dicti Guizardini vel illarum personarum. Et quod etiam possit fieri et extendi tectum illarum partium domus predicte que non destruuntur in sumitate latitudinis trium pedum ad defensionem dictarum collumpnarum et illius partis caminate que non destruitur seu destrui non debet. Et sic dicti magistri sub sacraménto ab eis prestito retulerunt dictam partem destruendam esse in valimento et extimant tercie partis domus prediate que destrui debet. aspicientes et extimantes bonitatem et valorem partis anterioris domus predicte que destrui debet cum longe plus valeat et extimari debeat pars anterior dicte domus quam allie domus posteriores et colaterales ipsius domus. Et sic dicti judex et miles secuti conscilium et sententiam magistrorum predictorum preceperunt dictam partem domus predicte destruendam et destrui debere in dampnum et partem dicti Guizardini. In allia vero domo posita in cappella s. Marie de Hosilitis pro medietate ipsius domus dixerunt destruhendam esse domus ipsius que est versus turrim contiguam ipsi domili, ita quod allia pars filiorum et heredum condam domini Jacobini Pizoli remaneat ipsis filliis et heredibus versus septentrionem. Et alia pars que est inter dictam partem que remanet filliis et heredibus condam dicti domini Jacobini Pizoli ex una parte et turrim predictam ex alia destrui debeat funditus hoc modo; quod fiat destrutio ipsius domus Guicardino designate usque ad colopnas medias inferiorem et superiorem que substinent hedefitia dicte domus secundum quod colopne predicte mirant et respetiunt ab uno muro ad alium versus horientem et versus occidentem non removendo nec destruendo ipsas colompnas set remanere debeant ipse colompne in suo statu et firmitate ad substentationem illius partis domus que destrui non debet sine lesione ipsarum colopnarum. Ita etiam quod per solum illius partis que destruetur liceat omni tem pore dominis et abitatoribus illius partis domus que destrui non debet ire et redire omni tempore ad illam partem turris filiorum et heredum condam dicti domini Jacobini sine contradictione dicti Guizardini et comunis bon. et omnium aliarum personarum. Et sic dicti domini judex et miles preceperunt secuti conscilium et sententias magistrorum predictorum qui comuniter et comuni voluntate dixerunt predicti dictas partes dictarum domorum modo et 'forma predicta dirui et destrui debere.
Presentibus Laurentio Bonacati not., Johanne de Manzolino nuntio comunis bon., et Rodulfutio nuntio comunis bon. de burgo lamarum.
Ego Benedictus de Fulianis imperiali auctoritate not. et nunc not. ad dischum dicte potestatis scripsi.
N. iii Miscellanea in fragmentis Fragm. n. 28.