Anno Millesimo ducentesimo sexagesimo octavo, Indictione xj die Martis vnj exeunte Jullio.
Dominus Guidotinus filius condam domini comitis de Prendipartibus suo nomine et Jacobi et Bartolomei suorum fratrum dedit et locavit domino Bonvixino Clario de pistorio merchatori stipulanti suo nomine et omnium sotiorum suorum, videlicet domini Bonifatii Inforcati et aliorum suorum sotiorum et cetera infrascriptas domos silicet domus magna que est a latere de supra et palatium vetus et domus nova tota a turri dicte domus usque ad domum domini Magnani, cum omnibus suis pertinentibus a latere de supra et cum duabus station ibus a latere de subtus. Rem aliam domum a latere de subtus totam quam (sic) non protendit a palatio sive domo nova usque ad eclesiam Sancte Marie de Auxilitis. Item domum que est juxta domum domini Zacarie de Auxilittis totam inter domum sive stationem que est iuxta portam dictarum domorum et domum domini Zacharie. Item locum sive stabulum quod est juxta domum bassam et cavamen de turry et omnes alias domos poxitas in capella Sancte Marie de Auxilittis et Santi Michaelis de Foromedii, excepta domo que fuit libertini Rubey a latere de supra et domum que est iuxta eclesiam Sancte Marie quam (sic) non protendit ad dictam eclesiam et excepta domo juxta eos a latere de subtus usque ad domum planam quam totam habet locator tam a latere de supra quam de subtus, excepto dicto stabulo et exceptis dictis stationibus in quibus morantur Pelliparii versus plateam, ad fruendum et utendum dictas domos a festo Sancti Michaelis ad unum annum et has domos eysdem dederunt pro pretio sive pensione centum quatraginta lib. pro anno, cum omnibus pactis que continentur in instrumento facto manu Benvenuti Iohanis de Marano not. hodie facto in curia dictarum domorum, pressentibus etc.
Lib. 6 Memorial. Amadoris Bencevenis de Corvaria not. fol. xvj.