Millesimo ducentesimo nonagesimo, Indictione tercia, die Iovis decimoseptimo mensis Agusti.
Dominus Guido et Ranbertinus fratres filij quondam domini Rambertini Buvalelli cum auctoritate et consensu domini Betasij de Gatariis eorum curatoris et in presencia domini Azonis judicis et assessoris domini Guardini de Scotis potestatis bon. suam et comunis bon. auctoritatem interponentis ex instrumento cure scripto manu infrascripti not. et Cervus condam Petri Serene de Crespellano procurator Buvalelli quondam domini Rambertini Buvalelli ex instrumento procurationis manu infrascripti not. ad hoc specialiter constitutus, volentes ad divisionem pervenire de eorum domibus, turibus, juribus et rebus infrascriptis dictorum fratrum et iam inter se de dictis rebus, fecerunt tres partes, videlicet: ponendo pro prima parte unam domum etc. Pro secunda parte ponendo unam domum cum parte turris spectante ipsis fratribus, que turris est contigua cum ipsa domo posita bon., in dicta capella Sancti Cristofori (de Geremiensibus) dominum Azolinum Buvalelli et juxta domum ecclexie predicte et juxta viam a duobus lateribus cum una alia domo in qua habitat nunc Gregorius de Maltaglata que est posita in dicta capella juxta dictum dominum Azolinum et juxta viam a duobus lateribus et juxta domos de Lambertaciis. Pro tertia vero parte ponendo unam domum planam positam jn dicta capella Sancti Cristofori, juxta viam a duobus lateribus, juxta Azolinum Buvalelli sive eius filios et juxta casamentum domini Lambertini Munaroli de Lambertaciis, cum domibus et iuribus domuum quas et que habent dicti fratres juxta turrim Maltaglatam et inpertinencias ipsius turis cum jure et parte ad ipsos fratres spectante in dicta turi Maltaglate; que turis Maltaglata cum domibus et juribus predictis sunt bon., jn capella Sancte Tecle juxta viam publicam a duobus lateribus et juxta domos Sancte Crucis, hoc pacto inito jnter dictos fratres quod ille cui obvenerit dicta secunda pars teneatur et debeat dare et solvere illi cui obvenerit dicta tertia pars centum libr. bon. ad unum annum proxime venturum etc. ideoque sic diviserunt prout sorte ordinarunt videlicet: quod dicta prima pars sit dicti domini Rambertini dictis Cervo procuratori dicti Buvalelli et Guidone volentibus et consentientibus; et quod dicta secunda pars sit dicti Buvalelli, predictis Guidone et Rambertino volentibus et consentientibus; et quod dicta tercia pars sit dicti Guidonis, dictis Cervo procuratori et Rambertino volentibus et consentientibus. Item voluerunt et ordinaverunt dicti fratres una cum predicto procuratore ad invicem quod ballatorium sive turrim eorum quod habent in dicta capella Sancti Cristofori juxta vias publicas a quatuor lateribus remaneat comune ita quod aliquis ipsorum sine alterius consensu allienare seu obligare non possit etc. Ex instrumento predicti not. facto die predicta in domo predicti not. ( Rambertini) pressentibus etc.
Lib. 77 Memorial. Iohanis Gerardi de Ropheno not., fol. xxviij.