Documento n. 134

Eodem die (veneris iij intrante Martio m.cc.Ixxxiiij, Indictione xij).

Minus et Patuzius fratres et filij quondam domini Guidotinj de Prendipartibus pervenerunt ad divisionem domorum eorum comunium positarum in civitate bon. In una quarum partium posuerunt hospitium magnum merlatum cum turri positum juxta vias publicas a duobus lateribus et juxta Carlotum domini Jacobini Pizoli, et juxta heredes Aldrovandini de Prendipartibus, in quo hospitatur magister Guilielmus Borgognonus, que pars proiectis sortibus inter eos ad brevia pervenit dicto Mino. In alia vero parte posuerunt duas domos simul se tenentes positas in capella Sancte Marie de Oxilittis juxta Paulum Battifferri, et juxta Johanem domini Jacobini Pizoli, et juxta turrim cornaclinam, et juxta domos perventas in partem Catellano domini Jacobini Pizoli. Item domum totam sive solarium domus quod confictum est in dicta turri cornaclina ex opposito domum Episcopatus bon., et stationem que est in dicta turri a latere de suptus, juxta vias publicas a duobus lateribus et juxta dictas domos perventas in partem dicto Catellano. Item medietatem pro indiviso dicte turris cornacline de terra superius usque ad summum, cum omnibus juribus et actionibus, pactis et condictionibus contentis in instrumento divisionis dictarum domorum facte inter predictos Ninum et Patucium et dictum Catelanum scripto manu Gratiadei Aymerici not. Item hospitium ubi moratur dominus Libanorius et domos que fuerunt Azolini ubi moratur Phillipus juxta domos de Timonibus, et juxta dominum Scannabicum domini Sisti de Bavosis, et juxta Aposam et juxta viam et juxta fratrem Bartolomeum de Radicibus et juxta dominum Scannabicum predictum. Item omnes domos et casamenta posita in capella Sancti Symonis Jude posita super podio Sanctorum Symonis Jude a sero apose. Que pars obvenit dicto Patutio proiectis sortibus ad brevia inter eos. Hoc acto inter eos quod ille cui obvenerit hospitium magnum contralatum teneatur et debeat dare et solvere Richildine filie Guizardini de Prendipartibus seu domine Cadiane eius tutrici tuctorio nomine pro ea Centum lib. bonon. pro equamento partis obvente predictis duabus etc. et ille cui obvenerit dicte domus posite juxta turrim cornaclinam cum medietate dicte turris et aliis domibus in dicta parte superius contentis debeant solvere predictis dominabus Cadiane et Richildine ducentas lib. bon. et voluerunt quod quoddam eorum casamentum positum a mane Apose remaneat comune inter eos etc. cum omibus aliis promissionibus et obligationibus contentis in instrumento dicte divisionis scripto manu Blaxij Ubaldinij de Stigliatico not. facto hodie bon., sub porticu domorum predictarum turris Cornacline, pressentibus etc.

Lib. 55 Memorial. Michaelem Juliani Brasche not., fol. cviiij verso.