Það sem til þarf er:

3-4 litlar krukkur

1/2 kg. gott bacon, skorið í bita

1 msk. smjör

1 stór laukur í þunnum sneiðum

3 msk. púpursykur

1/2 laukur í sneiðum

2 1/2 sóló hvítlaukar, í sneiðum

2 tsk. reykt paprika

1 tsk. chipotle chile duft

1/2 tsk. sinnepsduft

1/2 tsk. engifer duft

1/2 tak. kanell

3/4 bolli Bourbon

2/3 bolli sterkt kaffi

2 msk. epla edik

2 msk. hvítvínsedik

1/2 tks. tarragon

4 msk. hlynsýróp

1 1/2 msk. Shriracha sósa

Salt og pipar

Hefur þú heyrt nokkuð skemmtilegra, sulta úr baconi með helling af Bourboni útí til að gefa djúpt bragð :-D  Það sem mér finnst koma í beinu framhaldi er að smyrja þessa dásemd á grillaða samloku eða borgara beint af grillinu.

Svona geri ég:

Baconið er steikt á pönnu á meðalhita í ca. 10 mín.  eða þar til mesta af fitunni er bráðnað,  tekið af pönnunni með gataspaða.  Allri fitunni nema 1 msk. er hellt af og smjörið brætt á pönnunni.  Lauk púðursykri og  smá salti bætt á pönnuna og látið malla í 10-15 mín.  Lauk hvítlauk og kryddi bætt útí og mallað áfram í 3-5 mín., kryddað til með salti og pipar.  Baconinu er bætt i pottinn og blandað vel samanvið.  Bourboninu er hrært útí og soðið niður í um 5 mín.  Restinni af hráefnunum er blandað útí og látið malla áfram á tæpummeðalhita í 1 1/2 tíma, hrært í við og við.  Potturinn er tekinn af hitanum og látið kólna í 20 mín.  Öllu hellt í blandara og maukað, eins mikið og þér finnst passa.  Sett í sótthreinsaðar krukkur og geymdar í kæli.  Sultan er frábær á grillaðan hamborgara, með allskonar flottum pylsum eða smurð á gillaða ostasamloku.  Endilega prófaðu.

Verði þér að góðu :-)

Svona sótthreinsa ég krukkur:  Ég hita ofninn í 150°C.  Nýþvegnum krukkum og lokum er raðað í ofnskúffu og þær bakaðar í ofninum í 20 mín.  Sultunni er ausið sjóðheitri í krúkkurnar.

ATH.  Passa puttana, sultan og krukkurnar eru heitar!