F. 8

Það sem til þarf er:

12 jalapeno chili, með stilk

170 gr. rifinn Cheddar ostur

120 gr. rjómaostur, við stofuhita

2 vorlaukar, þunnt skornir

2 tsk. lime safi

1 tsk. chili duft

1/2 tsk. salt

1 msk. olía

1/2 bolli Panco rasp

Namm, namm..  Hér er á ferðinni partýmatur sem allir elska.  Fylltir jalapenos piprar eru sjúklega góðir, volgir úr ofninum, með ísköldum drykk í góðra vina hópi.  Það er lítið mál að búa þá til, hægt að gera það fyrr um daginn og stinga þeim svo í ofninn, þegar þú ert tilbúin a bera þá á borð.  Endilega prófaðu ;-)

Svona geri ég:

Jalapenos piprarnir eru þvegnir og þerraðir vel, og skornir eftir endilöngu (reyna að hafa hluta af stilknum á báðum hliðum).   Fræin og hvíta himnana inn í þeim, er tekin úr, nema þú viljir hafa fyllinguna í sterkari lagi, þá skaltu geyma hluta af fræunum og bæta henni fyllinguna.  Panko raspið er sett á pönnu með 1 msk. af olíu og ristað gyllt, á meðalhita, ca. 5-10 mín., sett á disk og kælt.  Cheddarinn, rjómaosturinn, vorlaukurinn, lime safinn, chili duftið og salt er hrært saman í skál og smakkað til hversu sterka þú vilt hafa fyllinguna.  Fyllingunni er jafnað í jalapenos helmingana og síðan er ristaða raspið sett ofan á fyllinguna og þrýst létt á með lófanum.  Tilbúnu helmingarnir er settir á bökunarplötu og bakaðir í 15-20 mín.  Settir á fat og bornir á borð.

Verði þér að góðu :-)