Sauce Bérnaise
Það sem til þarf er:
f. 4-6
4 eggjarauður
400 gr. smjör, bráðið
1-2 msk. bérnaise essens
1 1/2 tsk. esdragon
1 tsk. fljótandi nautakraftur
1/4 tsk. Worchestersósa
Sjávarsalt og nýmalaður svartur pipar
Ég ætla ekki að reyna að giska á hvað eru margar útgáfur af þessari dásamlegu sósu í gangi og allar "þær bestu". Svo ég má til að setja mína útgáfu í púkkið, svo mér finnist ég ekki útundan :-) Þessi uppskrift er fjölskyldu uppáhald, einföld og "skotheld" auðvitað ;-J
Svona geri ég:
Smörið er brætt í potti og sett í könnu með stút. Eggjarauðurnar eru settar í skál, ásamt 1 tsk. af esdragoni og þeyttar léttar og ljósar, með rafmagnsþeytara. Brædda smjörinu er hellt í smá bunum útí eggjarauðurnar og þeytt í stöðugt í á meðan, þar til allt smjörið er komið útí rauðurnar. Smakkað til með bérnaise esssence, nautakrafri, Worchester-shire sósu, meira af esdragoni, salti og pipar. Borin á boð með uppáhalds steikinni þinni.
Verði þér að góðu :-)
Ath. Ég hef skálina ekki í vatnsbaði þegar ég bý sósuna til. Mér finnst það ekki þurfa þegar smjörið er sjóðandi heitt og sósan fer strax á borðið.