Það sem til þarf er:

F. 6-8

2 kg.  svína rifjasteik með beini

3 laukar, í sneiðum

3 sóló hvítlaukar, eða 3-4 væn hvítlauksrif

1/2 dl þurrt Sherrý + svolítið auka til að setja í sósuna 

7.5 dl kjúklingasoð

2 msk. fennel fræ

2 msk. gróft sjávarsalt

Í kryddjurta salsað:

1/2 rauðlaukur í þunnum sneiðum

3 msk. sherrý edik

1 msk. sykur

20 gr. af fersk mynta, laufin plokkuð af

20 gr. ferskur kóríander, saxaður fínt

Meðlæti:

Kartöflumús með ristuðum hvítlauk 

Þessa áttu eftir að elska og slá i gegn með hjá þínum.  Laaaaang flestu þykir purusteik góð, meira að segja mjög góð.  Þessi er ekki eins og þessi hefðbundna, hún er með kryddjurta salsa, sem sýrður rauðlaukur er í og dýrðleg sósa, bragðbætt með þurru Sherrýi og hvítlauksmús, dásamlegt ekki satt.  Einfalt og æðislegt með nýju tvisti.  Endilega prófaðu ;-)

Svona geri ég:

Steikin:  Ofninn er hitaður upp í 240°C.  Steikin er þerruð vel og raufar eru skornar í puruna á steininni, með beittum hníf (mér finnst gott að nota hreinan dúkahníf).  Fennel fræunum og salti er nuddað vel í puruna.  Laukurinn er skorinn í sneiðar og hvítlaukurinn saxaður fínt, blandað saman í rúmgóðu steikarfati.  Steikin er lögð ofan á laukinn og Sherrýinu og kjúklingasoðinu hellt í fatið án þess að hella yfir steikina.  Steikin er sett í ofninn og steikt í 20 mín., þangað til húðin er byrjuð að bólgna upp, þá er hitinn lækkaður í 140°C og steikt áfram í 5 tíma.   Allt úr ofnskúffunni er hellt í pott.    Ofninn er hitaður aftur í 240°C og þegar ofninn er tilbúinn er steikinni stungið inn í 35 mín.   Best er að athuga hvernig gengur í ofninum eftir ca. 20 mín., því fennel fræin geta brunnið ef svo er eru þau burstuð af og steikt áfram.  Steikin er tekin úr ofninum og sett á fat og látin standa í 20 mín., því soði sem lekur af er hellt í sósuna.  Síðan er steikin skorin.

Sósan:   Soðið og laukurinn úr steikarfatinu er láið sjóða í pottinum í um 20-25 mín., þar til soðið er orðið þykkt, þá er Sherrýinu bætt út í og smakkað til með salti og pipar.

Kryddjurta salsað:  Rauðlaukurinn er skorinn í þunnar sneiðar og settur í  litla skál, ásamt edikinu og sykri og látið standa  í 1-2 tíma.  Þegar þú ert tilbúin að bera á borð er kryddjurtunum bætt út í og öllu blandað vel saman.

Borið á borð með sósu, kryddjurtasalsa og hvítlauksmúsinni með ristuðum hvítlauk.

Verði þér að góðu ;-)