Bökuð egg með tómat og beikoni
Það sem til þarf er:
f. 4
200 gr. gott beikon
1 msk. olífu olía
1 rauðlaukur, fín saxaður
1 hvítlauksrif, marið
1-2 msk. reykt paprikuduft
1 dós saxaðir tómatar
2 msk. tómatsósa
1 rauð paprika, fræhreinsuð og skorin í litla bita
4 egg
Brauð til að bera fram með
Þessi egg, eru spænsk ættuð og aðeins öðruvísi, útaf reykta paprikuduftinu og tómötunum. Skemmtileg tilbreyting :-)
En til að prófa þarftu að:
Hita ofninn í 200°C. Taktu til hliðar 4 sneiðar af beikoninu en skerðu restina í stóra bita. Olían er hituð á pönnu og er laukurinn, hvítlaukurinn og beikonið steikt í 2-3 mín., eða þar til laukurinn fer að meyrna. Bættu restinni af hráefninu við, en ekki eggjunum, og láttu malla í 10 mín. Þessu er svo skift á milli 4 lítilla eldfasta diska eða sett í einn stóran. Beikonsneiðarnar sem voru teknar til hliðar eru hringaðar í miðjunni á hverjum disk eða með jöfnu bili ef þú setur þetta í eitt fat og 1 egg síðan brotið ofaní hvern beikonhring. Bakað í 20 mín., og borið fram með góðu skorpu brauði.