Krydd hnetur
Það sem til þarf er:
500 gr. blandaðar ósteiktar hnetur
2 msk. kókos olía
1 tsk. cumin
1 tsk. papriku duft
1 tsk. chili duft
1 tsk. kóríander duft
2 tsk. fínt salt
Dásamlegar með góðum drykk eða bara þegar þig langar í eitthvað gott til að narta í. Svo má líka gefa góðum vini poka af hnetum, þegar þú ferð í heimsókn. Endilega prófaðu :-)
Svona geri ég:
Kókosolían er brædd á pönnu við meðalhita, síðan er kryddinu bætt á pönnuna og það látið malla í smástund, þar til það fer að ilma. Þá er hnetunum bætt á pönnuna og þær steiktar í 4-5 mín., þar til þær eru ljós gylltar. Pannan er tekin af hitanum og hnetunum hellt á bakka eða fat og þær látnar kólna alveg. Settar í krukku með góðu loki. Geymast í lokaðri krukku í 2-3 vikur (ágætt að setja krukkuna í ísskáp, þá geymast þær lengur).