Ratatouille baka
Það sem til þarf er:
f. 4-6
1 msk. olía
2 rauðlaukar, saxaður
2 hvítlauksrif, marin
2 rauðar paprikur, í 2 cm bitum
3 kúrbítar í bitum
1 eggaldin í bitum
1 400 gr. dós saxaðir tómatar + safinn
3 kartöflur í þunnum sneiðum
1/4 tsk. múskat
Salt og pipar
150 ml. rjómi
Lítið búnt basilka, söxuð
85 gr. rifinn ostur
Namnmi, namm.... allskonar grænmeti og krydd í rjómabættri tómatsósu, bakað saman undir kartöfluloki með osti... mmmm:-) Gott í roki, óveðri, sól og brakandi hita
Svona erum við:
Olían er hituð á stórri pönnu og laukurinn látin malla í smástund þar til hann mýkist, þá er hvítlauk, papriku, kúrbít og eggaldini bætt úti og látið malla í 10 mín., þar til grænmetið er mjúkt, þá er tómötunum bætt á pönnuna og 4 msk. vatni og kyddað vel með salti og pipar. Þetta er svo látið malla undir loki í 10-15 mín. Ofninn er hitaður í 180°C. Kartöflunar eru skornar mjög þunnt, gott er að gera það með mandólíni ef þú átt það, sneiðarnar eru látnar í skál og kryddaðar með salti, pipar og múskati og svo er rjómanum hellt yfir og öllu blandað saman. Til að klára réttinn er saxaðri basilkunni bætt í grænmetið og því hellt í eldfast fat, kartöflu-sneiðunum er svo raðað ofaná og restinni af rjómanum hellt yfir. Bakað í ofninum í 20 mín., þá er ostinum dreyft ofaná og bakað áfram í 20 mín. Rosa gott að hafa salat með. Ef þu átt afgang er hún ekki verri daginn eftir.