Bakaður rauðlaukur með rauðvíni og einiberjum
Það sem til þarf er:
F. 4
Smjörklípa
650 gr. rauðlaukur, í bátum eða sneiðum
10 einiber, gróflega marin
2 msk. rauðvínsedik
1 msk. púðursykur
2 1/2 dl rauðvín
Hér er á ferðinni ein útgáfan enn af bökuðum rauðlauk. Munurinn á þessum og mörgum öðrum uppskriftum eru einiberin, sem gefa frábært bragð. Endilega prófaðu :-)
Svona geri ég:
Smjörið er brætt á stórri pönnu og setjið laukinn á pönnuna með helmingnum af einiberjunum. Láttu þetta malla á lágum hita undir loki í um 15 mín. Það er gott að hræra í nokkrum sinnum svo laukurinn brúnist ekki. Lokið er tekið af pönnunni og rauðvínsedikinu er bætt út á pönnuna og hitinn hækkaður á meðan edikið sýður upp, þá er rauðvíninu og sykrinum bætt út á pönnuna og látið malla þar til vökvinn er nærri því gufaður upp. Smakkað til með salti og pipar og restinni af einiberjunum bætt út á pönnuna. Það er í góðu lagi að gera laukinn 1-2 dögum áður en á að nota hann.