Aspas tempura
Það sem til þarf er:
f. 4
2 L bragðlítil olía, t.d. sólblómaolía
50 gr. hveiti
50 gr. maismjöl
Salt
175 ml ískalt sódavatn
800 gr. grannir aspasstilkar, ef hann er þykkur er best að kjúlfa hann í tvennt
Graslaukur, fínsaxaður
Hvítlaukssósa:
4 msk. sýrður rjómi
4 msk. majónes
2 lítil hvítlauksrif, marin
Lúka af blönduðum ferskum kryddjurtum, söxuðum
1 msk. sítrónusafi
Sjávarsalt og nýmalaður svartur pipar
Ég hef aldrei steikt grænmeti í japönsksu tempura deigi fyrr. Eftir einn, var ég fallin fyrir þessari dásemd, nammið. Stökkt deigið utaná mjúkum aspasnum, gerði það sko ekki leiðinlegt að borða grænmeti, hvítlauks- og kryddjurtasósa toppaði gleðina. Það verður stutt í að ég hitti þennan nýja besta vin aftur.
Svona geri ég:
Sósan: Allt sett í blandara eða maukað saman með töfrasprota. Smakkað til með salti og pipar.
Deigið: Hveiti og maismjöl er sigtað saman í skál með smá salti. Hluti af mjölinu er settur til hliðar í litla skál og sódavatninu blandað hratt samanvið restina af deiginu með gaffli, en ekki ofþeyta það, það á að vera kjekkjótt. Olían er hituð í 190°C í stórum þykkbotna potti eða í djúpsteikinga-potti.
Aspasinn: Endinn er skorinn af aspasinum. Hann er klofinn eftir endilöngu ef hann er þykkur. Það er ágætt að velta ca. 4-5 stk. í einu uppúr deigi til að steikja í einu. Þeir eru settir í olíuna með göfflum og ef þeir vilja loða saman eru þeir losaðir varleg í sundur. Steiktir í ca. 1 1/2 - 2 mín., þar tl deigið er ljósgyllt og stökkt. Þegar þeir eru steiktir eru þeir teknir upppúr með götóttum spaða og látið leka vel af þeim á eldhúspappír.
Aspasinn er setttur á disk og söxuðum graslauk dreyft yfir og sósan borin fram með.