Súkkulaði samlokur
Það sem til þarf er:
Í kökurnar:
200 gr. ósalt smjör, lint
160 gr. sykur
120 gr. hveiti
160 gr. polenta
35 gr. kakó
1 1/2 tsk. lyftiduft
1/4 tsk. salt
Börkur af 1/2 appelsínu, fín rifinn
Í smjörkremið:
110 gr. ósalt smjör, lint
130 gr. flórsykur
Börkur af 1/2 appelsínu, fín rifinn
Salt á hnífsoddi
Samsetningin af appelsínum og dökku súkkulaði hljómar vel í mínum munni. Það sem mér finnst gefa þessum kökum auka, er polentan, sem er krönsý og gerir kökurnar skemmtilegar undir tönn :-)
En svona bökum við þær:
Sykur og smjör er hrært létt og ljóst í hrærivél. Í annarri skál er hveiti, polentu, kakói, lyftidufti, salti og appelsínuberki blandað saman. Þurrefnunum er svo hrært með sleif saman við smjörið. Deigið er mótað í flata köku og klætt með plastfilmu og látið í kæliskáp í minnst 1 klst. eða til næsta dags. Ofninn er hitaður ði 180°C. Deigið er svo flatt út með kökukefli, frekar þunnt, en það er gott að hafa plastfilmuna á milli svo degið festist ekki við kökukeflið. Hringlaga kökur ca. 5 cm í þvermál eru svo stungnar út í deigið og raðað á plötu með bökunarpappír á og bakaðar í 15 mín., passa að þær brenni ekki. Látnar kólna í smástund á plötunni áður en þær eru teknar af og settar á grind til að kólna alveg.
Smjörkremið:
Allt sett í hrærivélarskál og hrært saman þar til kremið er mjúkt og samfellt. Önnur hvor kaka er síðan smurð með kreminu og hin kakan sett ofaná. Það er gott að setja kökurnar í lófann þegar þær eru smurðar svo þær molni ekki, því þær eru stökkar og þunnar. Geymast ágætlega, smurðar, í lokuðu ílati.