Mini bakaðar geitaostskökur með chili
Það sem til þarf er:
24 stk.
24 lítil muffinform úr áli
Olíuspray
1/4 bolli gott brauðrasp
1/4 tsk. oregano, þurrkað
1/4 boli ristaðar pecanhnetur
2 msk. parmesan ostur, rifinn
2 msk. brætt smjör
250 gr. rjómaostur til matreiðslu (ekki light), mjúkur
90 gr. geitaostur (lurkur), mjúkur
1 stórt egg
2 msk. rjómi
1 msk. Sriracha sterk chilisósa
1/2 boli rauð chilisulta, brædd í potti
Bakaðar ostakökur hljóma kannski flókið, en þessar eru svovoo auðveldar. Og fyrir okkur sem elska geitaost, Xa þessar í öll boxin. Botninn með pecanhnetum og oregano svo mjúkur osturinn og spicy chili ofaná, nammi..
Svona geri ég:
Ofninn er hitaður í 180°C. Álformin eru sett í mini möffin bökunarform og þunnu lagi af olíu spreyjað ofaní þau. Brauðmylsnu, oregano, kryddi, hnetum, osti og smjöri er blandað vel saman í skál. Ca. 1 tsk. af mylsnunni er þrýst þétt í botninn á formunum. Rjóma- og geitaostur er hrærðir vel saman á meðalhraða í hrærivél, þar til þeir eru léttir og vel blandaðir. Þá er eggi, rjóma og Sriracha sósunni hrært útí. Hrærunni er skipt á milli formanna, þannig að þau séu full að 3/4. Bakað í 10 mín., eða þar til kökurnar eru stífar. Kældar í formunum í 20 mín. Chili sultan er brædd í potti og 1 tsk. af sultunni settur ofaná hverja ostaköku. Kældar í 2-12 tíma, má frysta.