Plómur í krydduðu Brandý
Það sem til þarf er :
2 krukkur
6 dl Brandý
Börkur af 1 sitrónu í löngum ræmum
350 gr. hvítur sykur
1 kanelstöng
900 gr. dökkar plómur
Dimmar rauðbláar plómur í krydduðu Brandý eru svo jólalegar, bæði liturinn og bragðið. Það er hægt að nota þær í yndislega eftirrétti, með ís o.fl. Krukka af plómum er falleg og persónuleg gjöf sem er hægt að hafa með sér í jólaboðið.
Svona geri ég:
Brandý, sykur, og kanelstöng er sett í pott og hitað rólega þar til sykurinn bráðnar. Þá er plómunum og sítrónuberkinum bætt útí og látið malla rólega í 15 mín. Plómurnar eru teknar uppúr pottinum með gataspaða og settar í steril stór glös. Vökvinn soðinn niður um þriðjung, með því að sjóða hann á háum hita, síaður ofaní glösin með plómunum. Glösunum lokað þétt og og geymd á köldum dimmum stað í allt að 8 mánuði.