Flankasteik
Það sem til þarf er:
f. 4
1 kg. flankasteik
Marinering:
3 hvítlauksrif, marin eða fín söxuð
1 msk. Montreal steak seasoning, eða annað gott grillkrydd
1 tsk. reykt paprika
1/2 tsk. cumin
2 tsk. Shriracha sósa
1 msk. Worchestershire sósa
2 msk. rauðvínsesik
1/3 bolli ólífu olía
Fylling í kartöflur:
4 bökunarkartöflur, skornar eftir endilöngu í tvennt
4 sneiðar bacon, skorið í bita
1 stór, vel þroskaður tómatur, fræhreinaður og skorinn í bita
3 vorlaukar, skornir í þunnar sneiðar
Sjávarsalt og nýmalaður svartur pipar
Meðlæti:
10% sýrður rjómi
Ég kolféll fyrir flankasteikunum, sem hægt er að kaupa í Costco. Þær taka marineringu mjög vel, eru meyrar og frabærar í alla staði. Það eina sem þarf að passa er að steikja þær ekki of lengi og leyfa þeim að hvílast eftir steikingu. Þessi uppskrift er byggð á upp-skrift úr smiðju væntanlegs Íslandsvinar, Rachel Ray.
Svona geri ég:
Öllu sem á að fara í marineringuna, er bland-að saman í fat sem er nógu stór fyrir steikurnar. Þeim er velt uppúr marinering-unni og látnar standa í lokuðu fatinu í nokkrar klst. (ég geri þetta að morgni).
Kartöflurnar: Ofninn er hitaður í 200°C. Kartöflurnar eru skornar í tvennt og rispaðar djúpt í sárið með gaffli, nokkrum dropum af olíu og smá salti dreypt yfir sárið, bakaðar í um 40 mín. eða þar til þær eru mjúkar. Á meðan er baconið steikt stökkt í smá olíu á pönnu, síðan er tómötum og vorlauk bætt á rétt í lokin. Kross er skorinn í kartöflurnar og fyllingin ásamt sýrðum rjóma, salti og nýmölum pipar, er sett ofaní eftir smekk hvers og eins.
Steikurnar: Grillið er hitað á mesta hitann (þarf að vera mjög heitt). Marineringin er skafin lauslega af steikunum. Steikurnar eru steikar í 4-6 mín. á hvorri hlið eftir stærð steikanna, en alls ekki of lengi. Teknar af grillinu og settar á hreint fat með álpappír yfir í 2-3 min. Steikurnar eru svo skornar í þunnar sneiðar þvert á trefjarnar í kjötinu.