V-2018 Til þín frá mér

Það sem til þarf er:

3x100 gr. af 70% súkkulaði (ég nota Green & Black)

1/4 tsk. cayanne pipar

1 lítið granatepli, kjarnarnir

Nokkrar ræmur af þurrkuð mangó, klippt í bita

50 gr. pistasu hnetur, grófsaxaðar

50 gr. pecanhnetur, grófsaxaðar

Gróft sjávarsalt

1- 1 1/2 tsk. frostþurrkað hindberjaduft (ég keypti mitt á netinu)

Valentínusardagurinn! Já, það eru sko skiptar skoðanir á því hvort það eigi að hundsa hann eða halda upp á hann. Ég geri það stundum, ekki alltaf. En það er auðvitað alltaf nauðsynlegt að láta fólkið okkar vita að við elsku það, hvort sem við gerum það með sérstökum hætti á V-daginn, daginn eftir eða á undan. En, ef það vantar afsökun til að fá sér heimgert eðal súkkulaði, þá er V-dagurinn ekki verri afsökun en hver önnur.

Svona geri ég:

Bökunarplata er klædd með smjörpappír. Hneturnar eru grófsaxaðar og mangóið er kipptðí bita. Súkkulaðið er brætt á lágum hita yfir vatnbaði, þar til það er alveg bráðið, þá er cayanne piparnum hrært útí. Því er hellt á pappírinn og dreyft úr því með palettuspaða í þá þykkt sem þú vilt hafa það í. Hnetunum er dreyft yfir súkkulaðið þá mangóinu, grófu sjávarsalti og granatepla kjörnunum. Ef þú átt hindberjaduftið er því dreyft yfir í lokin. Látið storkna á köldum stað. Þegar súkkulaðið er hart í gegn er það brotið í stórar flögur, pakkað falleg inn. Geymist í ísskáp.

Verði þér að góðu :-)

P.s.: Ég er búin að athuga um allan bæ, hvar er hægt að fá frostþurrkað hindberjaduft, en hef ekki fundið það. En það er hægt að panta það hér á ebay.

V 2018 Til þín frá mér <3