Rækju taco
Það sem til þarf:
6 stk.
Sósan:
1/2 dl majónes
4 msk. sýrður rjómi
Rúmlega 1 msk. ferskur lime safi
1/2 tsk. hvítlauksduft
1/2-1 tsk. Shriacha sósa (meira ef þú þorir)
Rækjurnar:
400 gr. hráar risarækjur
1 hvítlauksrif, rifið á rifjárni
Sjávarsalt og nýmalaður svartur pipar
1/4 tsk. cumin
1/4 tak. cayenne pipar
1/2 dl. ólívu olía + 1 msk
Meðlæti:
6 litlar mjúkar tortillur
Rauðkál, mjög þunnt skorið
Avocado í sneiðum
Rauðlaukur í þunnum sneiðum
Fetaostur, mulinn (ekki í olíu)
Ferskur kóríander
Lime í bátum
Taco er alltaf gott, ekki bara á þriðjudögum. Þessar eru með marineruðum rækjum, killer góðri sósu og fersku grænmeti. Endilega prófaðu, þú verður ekki fyrir vonbrigðum ;-)
Svona geri ég:
Meðlætið er skorið og sett á disk.
Rækjurnar: Öllu hráefninu í marineringuna er blandað saman í meðalstóra skál. Afþýddum rækjunum, er velt vel uppúr henni. Marinerað í 1-2 tíma, má alverg vera styttra. 1 msk. af ólívu olíu er hituð á meðahita á stórri pönnu og rækurnar steiktar, þar til þær eru orðnar bleikar og gegnsteiktar.
Sósan: Öllu hráefni í sósuna er hrært saman í skál og stungið í kæli, ef hún er búin til fyrirfram.
Tortillurnar: Tortillurnr eru steiktar á þurri pönnu við háan hita þar til þær eru komnar með dökka bletti á fyriborðið. Settar undir klút og geymdar þar til á að bera þær á boðrð.