Rauðkálssalat með eplum og hnetum
Það sem til þarf er:
1/2 rauðkálshaus, fín saxaður, eða rifinn
1 rauðlaukur í, saxaður
1 rautt epli í bitum
2 soðnar rauðrófur, í bitum (ekki í ediklegi, fást soðnar í stórmörkuðum)
25 25 gr.valhnetur, muldar
1 appelsína
Lögur:
3 msk. rauðvínsedik
3 msk. rifshlaup
1 msk. hunang
1 msk. ólífu olía
Litríkt og fallegt. Gott með reyktu kjöti, paté og heitum osti eins og t.d. Camembert og súrdeigsbrauði :-)
Svona er farið að:
Káli, lauk, epli, rauðrófum og valhnetum er blandað saman í skál. Appelsínan er skorin í tvennt og kjötið rifið innan úr henni og í bita, yfir skálinni svo allur safinn leki í salatið. Lögurinn er blandaður og hellt yfir. Geymist vel í 2-3 daga í ísskáp. Ath. Hér færðu uppskrift af skemmtilegum brauðkrans, sem er á myndinni hér fyrir neðan, með heitum Camembert, sem salatið er mjög gott með.