Hráskinku vafðar lamba medalíur
Það sem til þarf er:
f. 4
2 msk. kapers, fínsaxaður
2 marin hvítlauksrif
1 msk. fínsaxað rósmarín
Fínrifinn börkur af 1 sítrónu
2 msk. ólífu olía
8 lamba medalíur, um 5 cm á þykkt hver
Trufflusalt og nýmalaður svartur pipar
8 sneiðar af hráskinku
2 msk. grænmetisolía
Spínat með hvítlauk og múskati:
2 msk. ólifu olía
600 gr. spínat
2 hvítlauksrif í þunnum sneiðu
Fínrifinn börkur af 1 sítrónum
Sjávaralt og nýmalaður svartur pipar
Ferskrifin múskat hneta
Helgin er að detta inn. Klassísk spurning, hvað á að hafa í matinn um helgina? Ég mæli hiklaust með þessari uppskrift. Það er hægt að kaupa lamba medalíur tilbúnar í sumum verslunum, en það er ekkert mál að úrbeina hrygg og skera svo í passlega þykkar sneiðar eins og ég geri. Kosturinn við að úrbeina sjálfur, er að þá getur maður ráðið þykktinni á sneiðunum, þær mega ekki vera of þunnar.
Svona geri ég:
Ofninn er hitaður í 180°C. Olíunni, kapers, mörðum hvítlauk og sítrónuberkinum, trufflusalti og pipar er blandað saman á grunnum disk. Medalíunum er velt uppúr blöndunni og látinar marinerast undir plastfilmu í nokkrar klst. Hráskinkusneiðarnar eru brotnar saman eftir endilöngu og vafið utanum medalíurnar. Það er ágætt að stinga grillpinna í gegn til að halda skinkunni á sínum stað. Grænmetisolían er hituð á ofnþolinni pönnu. Skinku vöfðu brúnirnar á medalíunum eru brúnaðar allan hringinn og lambinu svo lokað á báðum hliðum. Pönnunni er stungið í ofninn og bakað í 12-15 mín., eftir því hvað þú vilt hafa kjötið bleikt og hvað sneiðarnar eru þykkar. Látið hvílast í smástund, undir álpappírs loki eftir að það er tekið úr ofninum.
Spínatið:
Olían er hituð í wok eða stórri pönnu. Hvítlaukurinn er hitaður varlega í um 1/2 mín. (passa að brenna hann ekki), þá er spínatinu bætt á pönnuna og það látið "visna" á pönnunni, kryddað með salti og pipar og vel af nýrifnu múskati og sítrónuberkinum. Borið fram með glasi af góðu rauðvíni.