Stökk Parmesan egg
Það sem til þarf er:
F. 2
1 tks. ólívu olía
3/4 bolli gróf rifinn Parmesan ostur
4 egg
Sjávarsalt og nýmalaður svartur pipar
Egg eru dásamlegt, fullt hús matar. Við erum ekkert að flækja málin hér, förum lóðbeint í málið og pörum þau við parmesanost og steikjum svo herlegheitin. Osturinn veður stökkur og eggjarauðan mjúk og djúsý, einfaldari og ljúffengari verður morgunmaturinn varla!
Svona gerði ég:
Best er að nota smíðajárnspönnu sem eru vel "seasoned" eða teflonpönnu svo það sé auðvelt að ná eggjunum af pönnunni. Olíunni er dreyft í þunnu lag yfir pönnuna og hún hituð miðlungs heit. Ostinum er dreift í jöfnu lagi yfir alla pönnuna og honum leyft að bráðna og aðeins byrja að brúnast í jöðrunum. Þá eru eggin brotin yfir ostinn og þau steikt í 3-4 mín., þar til brúnirnar eru gylltar og stökkar. Ef osturinn dökknar of hratt skaltu lækka hitann á pönnunni. Smakkað til með salti og pipar.